ياأهل الخبره بالبناء والعمار ابي شورتكم وفزعتكم تكفون
عندي فله صغيره مسطح البناء 280م وصلت الى اللعظم واللياسه وتوقفت ثلاث سنوات لظروف ماديه بعد نكبة الاسهم التي طالت اغلب المواطنين aa1
والحين ودي اكمل ومتخوف من بعض المقولين لان المرحله الماضيه ماسلمت من الغش والنصب والحين مرحلة التشطيب مهمه وانا عملي متعب مااطلع الاخمس العصر يعني مافيه امل اتابع ,,, تكفون ابي شورتكم ونصيحتكم وفزعتكم بالمقاول الامين الصادق اللي مايغش وشغله نظيف ,, وبصراحه مافيني شدة لاي مقلب جديد مع هالظروف والديون بس بضغط على نفسي اذا حصلت من يريحني واسكن بسرعه وافتك من الايجار 25الف iconb الله يوفقك من يخلص لي النصحيه ويرزقه من واسع فضله بالدنيا ويرزقه الفردوس الاعلى من الجنه بالاخره ويرحم والديه ،،،، والله يبعد عنا جميعا كل نصاب ومحتال ويغنينا بحلاله عن حرامه ,,,, |
الله يسهل لك ويرزقك بالمقاول الامين مع انه في هالزمن مانقول الاالله يرحمنا برحمته
وينكم ياهل الخبره والمعرفه اكسبوا العلم الطيب والاجر والدعوه الصالحه ولاتبخلون على اخوكم رنياوي بالمشوره |
كان الله في عونك
رغم ان الخبره قليله الااني برسل لك على الخاص رقم مقاول لعله يفيدك او تتفق معه وبالتوفيق العمار وجع راس ومالك الاالصبر |
الله يفرج عنك وكل مسلم
أنت فلك في أي حي في الرياض |
[QUOTE=humod55]الله يفرج عنك وكل مسلم
أنت فلك في أي حي في الرياض[/QUOTE] أشكر الجميع على مرورهم وتفاعلهم اما مايخص موقع الفله في عرقه وفق الله الجميع |
[SIZE="4"][COLOR="Blue"][CENTER]مالك إلا تسلم فلّتك مكتب هندسي "إدارة مشروع" وليس إشراف.
وإدارة مشروع مثل الإشراف لكن زيادة عليه إن المكتب يقوم بشراء المواد والإتفاق مع المقاولين ومحاسبتهم ومتابعتهم وهذا كله بالتشاور معك. كم ياخذون المكتب؟ ربما 12% أو أكثر أو ربما أقل حسب كبر حجم المشروع وحسب المكتب. روح لقوقل وأبحث عن عبارة "إدارة مشروع" ربما تجد معلومات أكثر. بالتوفيق.[/CENTER][/COLOR][/SIZE] |
الساعة الآن 09:56 AM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2024, Jelsoft Enterprises Ltd.