اراضي محافظه المزاحميه نزول 50٪
 

بسم الله الرحمن الرحيم

اليوم كنت في محافظه المزاحميه
بالتحديد مخطط نواره سكني وجميع
الخدمات موجوده ويبعد عن الرياض 35 كلم
وموجود بالمخطط سكان

الاراضي كانت تباع ب250 الف الان ب150 الف ريال ولايوجد

زبائن من اراد التأكد يذهب هناك ويتأكد والله لايخسر مسلم

صوره لمن يطبل للعقار ويقول ماينهار او يقول العقار الابن البار
وياويلهم من الله اللي لعبوا على المسلمين وغرروا بهم

لاحول ولاقوة الابالله
هذا والخدمات قريبه وفيه جامعه بتفتح قريب منهم
اجل عريض كيف وضعه بيصير الله يستر عاللي شرا قبل 4 شهور من الان

[QUOTE=mutaiam;5814119]لاحول ولاقوة الابالله
هذا والخدمات قريبه وفيه جامعه بتفتح قريب منهم
اجل عريض كيف وضعه بيصير الله يستر عاللي شرا قبل 4 شهور من الان[/QUOTE]

واحد من الشباب من اهل المزاحميه قابلته اليوم شاري ب234 الف

يقول انسامت مني بعد يومين 245 الف ويقول مابعت يقول طمعت

انها بتوصل 300 الف مادريت انها بتنزل للاسعار هذي يقول لعبوا علينا

بمقوله العقار ماينهارالله يعوضه ان شاء الله اما من ناحيه الخدمات

افضل من عريض بمليون مره كهرباء ارضي والمخطط جميع شوارعه

اناره وحي قايم وفيه جوامع وسكان

حذرنا كثير وقالوا عنا هذا حسد وقالوا عن من يحذر ارجاف وتمسكوا برايهم وقالوا أن العقار ماينهار مثل الاسهم وقالوا بأن الارض لاتاكل ولاتشرب والعقار أبن بار والعقار يمرض ولايموت والنتيجه مثل مانشاهد ونراها الله يستر على من يدور على الكسب من الصغار وكان تحذيري وأغلب كلامي موجه لهم بأن لا ينخدعون مثل من خدعنا في سوق الاسهم ويعلم الله أن قلبي معاهم ويؤلمني ما يولمهم ولانريد لهم الخساره وسألني الاخ خالد ناصر وطلب من أحد الاعضاء بأن يشير عليه في الاسهم ونصحته بنصيحه مثل نفسي بدخوله في بنك الانما وأعمار ودار الاركان ومدينة المعرفه وغيرها من الشركات التي أسعارها لازالت تحت سعر الاكتتاب وأن شاء الله أنه أخذ بالنصيحه العقار والاسهم هي لعبه كبار ولكن المشكله نحن ياالصغار نتاخر في الخروج في الوقت المناسب وياخذها الكبار

هذا الكلام الذي تحت الخط منقول من منتدى مجاور بخصوص مخطط الخير الله أعلم بصحته عندي شكوك في السعر ولكن يتضح لكم من المشاركات
---------------------------------------------
نزووووووووووووووول صاروخي في مخططات الخير شمال الرياض
نزوووووووول النصف
سابقا200000 للقطعه
الان 100000للقطعه
وشلون عاد اراضي الجنوب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
--------------------------
اخوي في اي مخطط شمال الرياض
ياليت تفيدني ابيلي ارض وبحدود هذي الاسعار

تقبل تحياتي
----------------------
تمشي مع طريق القصيم شمال
الين يجيك مخرج بنبان خذمعه يسار يصير وجهك غرب
من عند الانسانيه تحصل مكاتب العفار


نصيحه لاتشتري هالحين باقي للنزول بقيه

------------------------------

أخوي النزول بكل المناطق ماهو بس المزاحمية في المجمعة نفس الشي وفي عنيزة نفس الشيء هذا اللي أنا متأكد منه . وحتى بالفلل صار ماأحد يشتري
بالرياض أخوي عنده مكتب عقار ومشترك مع قروب مستثمرين يقول إلى رمضان الماضي كنا نبني

الفلة وقبل ماتخلص نكون بايعينها بمكسب وإذا طولت اسبوع إلى اسبوعين بعد العرض ...والآن يقول عندنا فلتين لنا ثلاثة شهور ماأحد يشتري.
ومعروض عنده فلة صغيرة بشرق الرياض بمليون ومازاد عنها للمكتب ولها ثلاثة شهور ولاأحد سامها مجرد سوم.. والبارح أتصل فيه صاحبها يقول حدها بثمان مئة وخمسين ..واللي جنبها نفس تصميمها ومساحتها بايعها المكتب قبل عيد الأضحى بمليون ومئة .

ارض عند صاحبي قلت عنها في مشاركة سابقة

في الأمانة شمال الرياض قريبة من ط / الملك عبدالعزيز على شارعين واصلها الكهرب والموية في الطريق وقريب منها كذا فله الان مسيومة 915 غير صامل وكانت قبل شهرين 1200 ريال

يالله لك الحمد

شاكر للجميع مروركم والله لايخسر مسلم

[QUOTE=mutaiam;5814119]لاحول ولاقوة الابالله
هذا والخدمات قريبه وفيه جامعه بتفتح قريب منهم
اجل عريض كيف وضعه بيصير الله يستر عاللي شرا قبل 4 شهور من الان[/QUOTE]

تقوله صادق المشكله فيه من يطبل وازعجنا بعريض لاخدمات وجنبك تشليج ويمر من عندك

نهر النيل هههههههههههه

اما بالنسبه للمزاحميه يوم بدأ مشروع الجامعه طارت الاراضي وخذ تطبيل وانواع عماير الشقق

والدبلوكسات وطاروا اهل الديره ببناء الشقق والدوبلكسات والان خاويه على عروشها ومافيها سكان

وعليها لوحات من شهور وماحولهم احد والعقاريين المعروفين في الديره يسولفون في سوق الاسهم

وخلوا العقار في حلق الصغار

الموظف البسيط يريد أن يكسب ولكن دائما هو الضحية مابين ظلم الأسهم وجبروت العقار

[QUOTE=محمدالكثيري;5820796]الموظف البسيط يريد أن يكسب ولكن دائما هو الضحية مابين ظلم الأسهم وجبروت العقار[/QUOTE]

وقت الدخول والخروج سواء في الاسهم او العقار هو الزبده

وعدم الطمع والله يرزق المسلمين