قالوا تزوج كود تدله وتنساه×قلت أه لو خذت اربع ما نسيته
 

الشاعر الوجداني عبد الله بن سبيل يصنع بيت الشعر ويطوعه كما يريد
شوفوا كيف يرد على من يقدم له العذاريب في معشوقته فهو يرد على
كل من يذكر له خصله شيته فيها بتنهد ونفي تلك الخصله الشينه التي الزقت
بمعشوقته .. اترككم مع ما قيل له في ذلك وما تم نفيه من قبله والشاهد على
ذلك قصيدته ادناه
..........................................................................................................



بســم الله الـرحمــن الرحيــم
السلام عليكــم ورحمـة الله وبركاته ،،

قصيدة للشاعر عبدالله بن سبيل

يالله ياللي تسجـد الخلق لرضـاه
...............................ياوامـر عبده علـى حـج بيتـه
تفرج لمن سده على الناس ما ابـداه
.......................راضي على مقسومك اللي عطيتـه
من شن يسل الحال والجسم يبـراه
..........................والنـاس مايشفونـه إن ماشفيـتـه
قلت آه واجرحـاه مـن خلتـي آه
............................وإن حملوني حمـل غـي قويتـه
قالوا سفا بالحال ويش اللي أغـواه
..........................قلت آه ويش المنكر اللـي وطيتـه
قالوا جهلت وبـان علمـك لمنهـاه
............................قلت آه علمـي يامـلا مـا كميتـه
قالوا طلبنـا لـك مـن الله معافـاه
..............................قلـت آه وحدتـه وعفـوه رجيتـه
قالوا هله وأحباب عينـه نصحنـاه
...............................قلـت آه هـذا واردٍ مـا بغيـتـه
قالوا ندور لك من البيـض حليـاه
.............................قلت آه لـو غيـره بكفـي رميتـه
قالوا نشاش العـود مالـك بلامـاه
............................قلت آه عود المـوز بإيـدي لويتـه
قالوا تـزوج كـود تدلـه وتنسـاه
...........................قلت آه لو خذت أربـع مـا نسيتـه
قالوا من أقصى الناس وين أنت وياه
.......................قلت آه ما أنسى يوم جاني وجيتـه
قالـوا نشوفـه عنـد هـذا وهـذاه
...........................قلت آه عمره ماعقب حجـر بيتـه
قالـوا عليـلٍ ناقلـن داه بــرداه
............................قلت آه بأقرابـي وروحـي فديتـه
قالـوا نشيـر ولا نفـع ماحكينـاه
............................قلـت آه هـراج النمايـم عصيتـه
قالوا كثر شيبـك وقلبـك بعميـاه
.............................قلت آه لـو قلبـي غريـر نهيتـه
مطـاوعٍ قلبـي بعجفـاه وإقــداه
...........................وإلى عطى منهـاج دربٍ عطيتـه
يانـاس خلـوا كـل وادٍ ومجـراه
..............................قلتـوا كثيـر وقولكـم مالقيـتـه


[SIZE="1"] للامانه اعجبتني ونقلتها لكم
كونكم غالين عندي[/SIZE]

تسلم يا عزيزي على حسن إختيارك ... فأبن سبيل شاعر غزير خصوصا في الغزل

[CENTER][COLOR=green]يا دافع البلا [/COLOR]
[COLOR=green]أكثر منتدى فيه مواضيع تحكي عن التعدد:D:crct::509:[/COLOR]
[COLOR=green][/COLOR]
[COLOR=green]ناس ثلاث ...[/COLOR]
[COLOR=green]وناس أربع...[/COLOR]
[COLOR=green][/COLOR]
[COLOR=green]والحبل على...[/COLOR]
[COLOR=green][/COLOR]
[COLOR=green][/COLOR]
[COLOR=green]الاخ العزيز /shapa-1 >>>ياني ابتلش باسمك :o[/COLOR]
[COLOR=green][/COLOR]
[COLOR=green]تراني أتغشمر [/COLOR]
[COLOR=green][/COLOR]
[COLOR=green]قصيده حلوه [/COLOR]
[COLOR=green][/COLOR]
[COLOR=green]ومثل ماراقت لك راقت لنا[/COLOR] [/CENTER]

[QUOTE=مشعل عبدالعزيز;5454155]تسلم يا عزيزي على حسن إختيارك ... فأبن سبيل شاعر غزير خصوصا في الغزل[/QUOTE]



مشكور على المرور

يا مشعل لاهنـــــــــــــــت

دافع البلا
أكثر منتدى فيه مواضيع تحكي عن التعدد

ناس ثلاث ...
وناس أربع...

والحبل على...


الاخ العزيز /shapa-1 >>>ياني ابتلش باسمك

تراني أتغشمر

قصيده حلوه

ومثل ماراقت لك راقت


[COLOR="Red"] أم الغالـــــــــــــــــــــــــــــــــي[/COLOR]


بداءت الغيره تتحرك لاتخافين القصيده هذه لها مايقارب 120سنه

وبعدين انتي يام الغالي لو تجملين وتخطبين لبو الغالي وحده من معارفكي سوا جاره
او زميله ممن قربت لهن العنوسه ولم يحالفهن الحظ تصدقين انك كسبتي أ جر وجميل
ويمكن تدعولك بعد كل صلاه اذا الله رزقها بوليد وملاء قلبها وبيتها فرح

اسمي يام الغالي shapa-1 اسم منطقه اعتز بها ربى فيها ابوي واجدادي من
قبله لذلك ازورها كل ما سمحت لى الضروف واقبل ارضها كوني اتصور ان اقدام
والدي الله يرحمه قد وطأتها وهي حافيه . ولا اخفيكي اني طلبت من الاداره الموقره
السماح لي بتغيير معرفي هذا وننتظر ردهم مشكورين
اشكر مرورك واعجابك من ابيات القصيده التي
تعتبر من الموروث الشعبــــــــــــــــــــــــــــــــــــــــــــــي

نقل رائع وجميل وسبق وان سمعت جزء بسيط من الابيات
وكنت اظن القصيده في زوجته المتوفاه وليس معشوقته
الف شكر اخي على النقل

[QUOTE=أبو ركـــــون;5473150]نقل رائع وجميل وسبق وان سمعت جزء بسيط من الابيات
وكنت اظن القصيده في زوجته المتوفاه وليس معشوقته
الف شكر اخي على النقل[/QUOTE]


حياك الله تشرفت الصفحه بمرورك

قد يجوز انه قالها في زوجته علما اني اسمع في بعض المجالس انها
في معشوقته ولعلنا نجد من يصحح ذلك

[B][FONT=Verdana][SIZE=5][COLOR=Olive]روووووووووعه ...
وتسلم الايآآآآدى ع النقل ذووق ‘‘*
قصيده حلووه ..
يعطيكـ العآفيهـ ,,} [/COLOR][/SIZE][/FONT][/B]
[FONT=Comic Sans MS][SIZE=5][COLOR=black][IMG]http://up.ta7a.com/uploads/images/ta7a-f29525bd77.gif[/IMG][/COLOR][/SIZE][/FONT]

[QUOTE=برنسيسه $;5476157][B][FONT=Verdana][SIZE=5][COLOR=Olive]روووووووووعه ...
وتسلم الايآآآآدى ع النقل ذووق ‘‘*
قصيده حلووه ..
يعطيكـ العآفيهـ ,,} [/COLOR][/SIZE][/FONT][/B]
[FONT=Comic Sans MS][SIZE=5][COLOR=black][IMG]http://up.ta7a.com/uploads/images/ta7a-f29525bd77.gif[/IMG][/COLOR][/SIZE][/FONT][/QUOTE]


أشكر مروركم

ومبروك عليكم الشهر اعاننا الله واياكم على صيامه

وقــيـــــــــــــــــــــــــــــــــــــــــــــــــــــامه

قالوا ندور لك من البيـض حليـاه
.............................قلت آه لـو غيـره بكفـي رميتـه
قالوا نشاش العـود مالـك بلامـاه
............................قلت آه عود المـوز بإيـدي لويتـه
قالوا تـزوج كـود تدلـه وتنسـاه
...........................قلت آه لو خذت أربـع مـا نسيتـه


راااااائعه وذوق راقي وجميل