اليكم القصيده ياجماهيري وهي خطره***وخلو الرقابه تسجن الشاعر وجمهوره
 

[FONT="Times New Roman"][COLOR="Navy"][SIZE="4"](خطره)
.............

اليكم القصيده ياجماهيري وهي خطره
وخلو الرقابه تسجن الشاعر وجمهوره

هـدؤا ً
هدؤا ً ايها السادهـ حضور الحفل والسهره
مساء الخير ع الصاحي واشوف الناس مخموره

انا اسف على الازعاج ولكن طارت السكره
ذكرت اني قبل ساعات اصيل وعزوتي نوره

على فكره الكرفته عجزت افكها عسره
ابي واحد ينزلها او اي وحده ومشكوره

وابي ثوبي جيبولي ثوبي الاشهب مع الغتره
قبل والله لا اطربقها على هالحفل بحظوره

ولا واحد يتكلم قبل ماخلص النشره
ومن يحكي قسم بالله لا ادوس برجلي حنجوره

تراها قفلت ياسادت بلادي وياستـره
وهي مادامها خربت بقول الليله الثوره

انا بحكي من اول يوم جيت لدنيتا ً قذره
وتكرم عن قذارتها بيوت الله ومعموره


انا مولود في ليله شتاء مع بردها مطره
في خيمه وسـط صحـرا مابها سستر ودكتوره

انا ياحضـره السادهـ غريب وضاع من صغره
لعن جدي زماني بين مدهوره ومهجوره

حملت من الشقـى مالا يطاق وجايكم ذكره
ولاني عاجز اتحمل واموت بنفس مقهوره

وانا ادري يذبح الرجال كثر الصبر في قهره
وعن قهـر الرجال المصطفى حذر ومذكوره

وهم قالوا مفاتيح الفرج للحي في صـبره
وانا اشوف الصبر مفتاح ضاع وزاد طابوره

تعبت الملم ايامي بيدين الهم والحسره
تعبت المع البرواز وامسح غبرة الصوره

تعبت ابوس كف الجوع وخشم الفقر طال عمره
تعبت اكذب على الحاجه واقول الحال ميسوره

تعبت احمس من القهوه واحط السمن والتمره
تعبت ودلتي وحده وكل شوي منثوره

احسب العز بالدله وبيت النذل بها عشرة دلاله
اكـثر الملعون ومليانه ومسطوره

انا بحكم البداوه انزرع في داخلي بذره
عن علوم المراجل الف بذره فيني مبذوره

تربينا على الدين ونطيع الله مع شكرهـ
تعلمنا نصلي ونحفظ القرآن وكل سـوره

تعلمنا نحب الضيف وفينا الكرم فطره
تعلمنا نقول الصدق لا لفه ولا دوره

تعلمنا نحلب النوق ونعرف وش هي البكـره
تعلمنا الضمـا وحنا بيدين البير محفـوره

تعلمنا ... وكثــير اللي تعلمنـاه وش كـثره
اخذنا درس بالدنيا بلا دفتر وسبوره

وانتم ياسكااارى الحفل .. عفوا ً ايها الزمره
منوفيكم .. عرف قهر الزمان وضلمـه وجـوره

منوفيكم .. وطاه الجوع و ذله واصفقه فقـره
منوفيكم .. عرف يحتاج للقمه ونشف زوره

منوفيكم .. من الضيقه حفر بصابعه قـبره
منوفيكم .. رقـد ليله وسط اجساد مقبوره

منوفيكم .. مشى حافي برمضا ً كنها الجمـره
منوفيكم .. سهر ليل الضلام بذونم الجـوره

منوفيكم .. ماطاح الفين مـره وسلمت الجـره
واناا من قبل اطيح وجرتي بيديني مكسـوره

لكم الماء .. والوجه الحسـن .. والمال .. والخضـره
ولنا حنا الضماء .. والجوع .. وفقر .. وشيفتا ً عوره

ولامـره حظـي ضحـك بوجهـي واشكـره مـره
غيري مبتسم حظه وكل ايامه مسروره

كتبت الشعـر من صغري وبيوتي مابها كسـره
وانتم تبرزون اللي كتب بيتين مكسـوره

انا ياحضــره السـاده فقـير ماغتنى بشعـره
مدام المومس اللي تشري الاشعار مشهوره

وانا ياحضره الساده هنا الليله وعلى فكـره
ترى هالبدله مسروقه ورجلي بجزمــه محشــوره

ولكن قلت ابحضـر هالحفـل والعمـر ابختصـره
وابي ابـدع معاكم وسط ليله انس ومحظوره

واذا كانت رجولتكم بكاسه ثلج والخمـره
اناابي اشرب بدون الكاس وثلجه الف قاروره

ابـويه قال لي مـره دسم شاربك بالغبره
مايدري بالشنب محلوق وجابر فاقد شعوره

انا بمشي مدام الليل ودع وابتـدى فجـره
ابـروح ارد هالبدله على هالمعلاق مزروره

وانا ادري ياكلااااااب الحفل اني بالسجــن بكــره
مدام الليله جبت العيد بهذا الحفل وحظـوره


.............


ارجو ان تحوز القصيده على رضاكم[/SIZE][/COLOR][/FONT]

[B][COLOR="Indigo"]قصيدة روعة.. تحمل الكثير من المعاني..هناك بعض الملاحظات البسيطة التي تنغمر في غزير
المشاعر الفياضة والشعور الجياش..عندما هممت بقراءتها لأول وهلة تذكرت الشاعر السوري
الكبير المبدع عمر الفرا..تذكرت طريقة إلقاءه الخاصة به..
ألف شكر على أيراد القصيدة ويعطيك ألف عافية..

faisssal[/COLOR][/B]

ما شاء الله الشعر مواهب فأن أردت صقل موهبتك أكثرالقراءات في الشعر وعن قريب سوف تكون من كبراء الشعار المرموقين الى الامام

كل الشكر والتقدير على مروركم

وانا ادري ياكلااااااب الحفل اني بالسجــن بكــره
مدام الليله جبت العيد بهذا الحفل وحظـوره

[COLOR="Red"]عرف الشاعر انه جاب العيد وخربها بالبيت السابق هههههه ولكن هي الحقيقة المرة لكثير من الشباب هداهم الله

اختيار موفق ولك جزيل الشكر اخوي راكان

تقبل مروري[/COLOR]

شكرا على مرورك يالهارف

[B][COLOR=darkgreen]اف اف حزينه شاعريه قويه خطيره محظوره [/COLOR][/B]
[FONT=Times New Roman][COLOR=darkgreen][B] [COLOR=darkred] (( القي القبض عليك وحكم عليك بالمؤبد ))[/COLOR][/B][/COLOR][/FONT]

[QUOTE=.. تبقى الذكرى][B][COLOR=darkgreen]اف اف حزينه شاعريه قويه خطيره محظوره [/COLOR][/B]
[FONT=Times New Roman][COLOR=darkgreen][B] [COLOR=darkred] (( القي القبض عليك وحكم عليك بالمؤبد ))[/COLOR][/B][/COLOR][/FONT][/QUOTE]

شكرا كلك ذوق والله يستر

[QUOTE=faissssal][B][COLOR="Indigo"]قصيدة روعة.. تحمل الكثير من المعاني..هناك بعض الملاحظات البسيطة التي تنغمر في غزير
المشاعر الفياضة والشعور الجياش..عندما هممت بقراءتها لأول وهلة تذكرت الشاعر السوري
الكبير المبدع عمر الفرا..تذكرت طريقة إلقاءه الخاصة به..
ألف شكر على أيراد القصيدة ويعطيك ألف عافية..

faisssal[/COLOR][/B][/QUOTE]


شكرا اخوي فيصل على المرور

احترم رأيك واقدره

[COLOR="Plum"]اذا تسمحلي يا أخ راكان

هذه القصيدهـ بصوت الشاعر :) [/COLOR]


[URL="http://up2.m5zn.com/download-2009-4-3-03-e14bumouu.rm"][IMG]http://up2.m5zn.com/thumb/2009/4/3/03/e14bumouu.rm/jpg[/IMG][/URL]