|
[CENTER][SIZE="5"][COLOR="DarkRed"]
تــغيب إلا عن الخـــافق حبـــيبــي بـــعيد إلا مــن أفــكــاري قــريــب أهـوجـس بـك واسولف مــع طــيوفـك واروح لك طـــواريـــقي واجيــــبِ علـــى ليــل الهـــوى رســـمت وجهـك وعطـــرت النســـايم منـــك طيــبِ يحســـبون المــكان أبعـــدك عنــي يغــــيب العــمــر مــا عنــي تغيــبِ أشوفك في ســواد اللــيــل ومضــه واشــوفك في نــوايبــها طـبـيـب ِ ويجيـني مع طــلوع الشـمـس نـورك وصــوتك فوق مـوجات المغــيبِ ولك بالقـــلب خفقـه وانتفــــاضـه تــلــوعــنى ولا ودي تــطـيــــبِ أحـبــك يـا هـتـــونٍ مـن سحـابـه بعــثـت الحـب فــي قــلــب خصيــب[/COLOR][/SIZE][/CENTER] [B]دايـم الـسـيـــف[/B] |
[CENTER][SIZE="5"][COLOR="Navy"]احب روحك مع قلبك مع كلك
لك وحشه في كل عضو من اعضاي ودي معك دوم باسفارك مع حلك ياللي بخيالي في مقامي وممساي يامن تقمصك في كلك ولا ملك متلبس فيك حتى الخطوه اخطاي هني منهو بوسط القلب محتلك متمتعٍ في السويدا رايح وجاي اعروق قلبه تمتع دوم من فُلك تشرب من اثمار قلبك ماتبي ماي لوبالتمني جعلت الجيب بيتٍ لك ومنين مارحت احطك بمخباي ياروح روحي عسى الجنه لمن شلك انت المنى لي والسعاده بدنياي ارفق بروح المولع صوبنا خلك لاتبعد ارجوك خوف اتقطع احشاي لو بادعي عليك لعلك ولعلك فينا تولع ولا يمحاه محاي فيما مضى قد تعلمنا وانا خلِك ان القلوب لبعضها شوف منحاي وارجع لك اقول حبي لك انا كلك ياعل يفداك من ينسى لحسناي[/COLOR][/SIZE][/CENTER] [B] منصور المرّي [/B] |
[CENTER][SIZE="5"][COLOR="Blue"]لا ضاقت الدنيا عليك وتشاويت
خلق الله اللي فالرخا كان واجد ومن العرب والصوت والثوب مليت وقامت عليك هموم بقعاء تراجد فارفع يديك لخالقك لا توضيت وادعو تراك أقرب إليا صرت ساجد ووقت من أوقاتك للأوقات توقيت وسجل لنفسك في المساجد تواجد وأبشر بفزعة حامي الدين والبيت إليا هجدك من الهواجيس هاجد اللي يميت الحي ثم يحيي الميت لرضاه شف كثر البشر بالمساجد[/COLOR][/SIZE][/CENTER] [B]ابن فطيس [/B] |
[CENTER][SIZE="5"][COLOR="Plum"]ارجوك شفني من عنا الوقت ملتاع
حتى الصبر ماعـاد لي فيه حيله فيني هموم وحزن وطعون واوجاع وكـل الجهات الاربعه مستحيله وانتي وانا والحـب يابنت بصراع والنفس في عزه .. ولا هي ذليله الحـب واحد ماله اشكال وانـواع من خـلقة الدنيا وهـذا سبـيله صـدق المشاعراصلها حلوالاطباع نـبراس باق الحـب لازم تجيله لبـسـت قلبي عن هوى الغير بقناع والخل وش ... يسوى بليا خليله ..؟ والقلب ماهو عن عطا الحب جزاع خـذ الكثير وهـات باقي قـلـيـلـه زرعت لك في روضة القلب مرباع وسقيت روض الحب من سلسبيله تثمر بساتين الغلا وسط الاضلاع كـلي امل يا شوق اجني حصيله يمـكن يقوم الحـظ مره وينصاع وان مات يبقى الحب ذكرى جميله يابنت انا من قـاسي الوقت ملتاع حتى الصبر ماعـاد لي فيه حيله فيني هموم وحزن وطعون واوجاع ومن وين ما وجهت روحي عليله[/COLOR][/SIZE][/CENTER] [B]غير معروف [/B] |
[CENTER][SIZE="5"][COLOR="Indigo"]أنا .. أنا وأعوذ بك يارب من كلمة أنا
عبد وهبته من بديعات المواهب ماوهبت آمنت بك وأسلمت لك أمري وأنا وأنا أنا المنتهي كل أربعاء والمبتدي في كل سبت أخاطب عقول الرجال الفاهمه وانا هنا واليا شاء الله وأمرني ماتحاكيت وكذبت أجمل نساء الارض غنت لي بصوت (الله لنا) وأنا الفقير اللي رزقه الله بمرعى كل نبت طرقا عرض فستانها الازرق خطر غصن القنا نازل على الوادي بنا يشرب وانا قبله شربت حبيتها لين انفرط سلسالها بـعـد وعـنـا وأبعدت عنها في حياتي كثر ماعنها قربت قولوا لها يا أجمل نساء الارض (أما آن لنا) أن ننهي الحلم القديم ونكبت الغايات كبت[/COLOR][/SIZE][/CENTER] [B]ضيدان بن قضعان[/B] |
[CENTER][SIZE="5"][COLOR="SlateGray"]اصعب سؤال اللي جوابه للأسف مثله ســؤال
ما هو تفلسف الا موقف صار واسمع ثاني بيت البارحه يومه سأل وش ذكرك ذيك الليال كان الجواب بكل بساطه من متى اصلا نسيت ادري بان جمع الصعوبه والبساطه شي محال لكنها صارت كذا واللي اهم اني دريت ان الحياه فبعد احبابك اذا جف الوصال اتعيشها لو تقتنع انك خلاص اصبحت ميت يا صاحبي لو كل شي يمر بالخاطر يقال ما كانت العبره تولجني اليا منك طريت شفني قدرت احبس دموعي بس دمع القاف سال ويا كبرها ساكت ولكن داخل اوراقي بكيت عمر الحكي ما كان دافي لابتدى بقولة تعال لجل اتجاهل رجفة حروفي اليا مني حكيت الحال في بعدك قسم بالله ما اسميه حـال انوي على الضحكه واحس كلي خطا لاني نويت اتصور انك من رحلت اشوفك لجسمي ظلال لا شفته امشي ببتعد واثره معي مهما مشيت مدام يعني في بحرك لفرحتي مليون جــال وش فيه موجك ما ركد قربت اموت وما رسيت يرضيك ما عادت معي تفرق اذا جالك مجال لاني اقتنعت انك نهايه واني ببطي ما بـديـت صرت اعقد حجاجي اذا جابوك باطراف الجدال وانا قبل لاقالوا اسمك كني مـيـت ثم حـيـيـت تعبت اعيش الدور وافتح للمعاذير الخيال واتخيل اني جيت في بالك وبانك استحيت وترد لي كلك وله وتقول كن البعد طـال ومن الفرح ما عاتبك واقول ياخي مابغيت حتى وانا تخيل حشمتك لن قلبي لا يزال يكرر اسمك داخل اعماقي بنبضه لا سهيت قلي شسوي فيك وانت بداخلي اصدق مثال للحب واحساس القصيد ان عانق الليل وسريت ربي يصبرني على الفرقا مدام الحظ مـال وانت بيجيلك يوم تعرف ليه في بعدك شكيت واذا بلاك الله وعذبك اشتياقك بس تعـال واقرا القصايد في غيابك كلبوها بيت بـيـت بتدرى ان اصعب سؤال اللي يجي رده سـؤال لا قلت لي وش ذكرك ثم قلت لك متى نـسـيـت [/COLOR][/SIZE][/CENTER] [B]محمد جارالله السهلي [/B] |
[CENTER][SIZE="5"][COLOR="SlateGray"]فوح قلبي كل ماصبح فوح دلـّه
ويابري حالي وياجرّة ونـيني وياوجودي كل ماخلوا محلّه ويـاصدع راسي وعقدة حاجبيـني كل ماتقبل على وجهي مـملّه اتشهد وأذكر أن الله عـويني فيلله أنـّك لاتحاسبني بزله وأنك أتوفقني وتستر كنيني كنيتن بين الضلوع المستعلّه لو أبزفرها .. تفاضت مقلتيني مارسم في خاطري عشرين علّه وبعثر أحكايايتي . الاّ حاجتيني الرّفيق اليا تدانا للمذلّه والضنين اللي درو بنه ضنيني فيا رفيقي كل رجل وله جبلّه وانت من نسل الرجال الطّيبيني لاكن أنّك غصت في بحر التولّه وردّو الحضـّار علم الغايبيني قالو أنّك .. ماخذن بزعة الاهلـّه وفلسفة هتلر . وحنكة موسليني فسلّم الله حب قرّااء المجلّه حبّبوك فسرقة الحصـن الحـصيني بس عادي هي كذا بصمة الادله بصمتن وحده ولاهي بصـمـتيني ماني بزعلان من زلتك .. لله وماني بضارب يساري في يميني كون .. من نوّن يضلّلني بضلـّه وساقته ريح أحسداه وحاسديني ياعيون اللي زبونه مرقبلّه اشقرن فوق ايد .. فرحان القريني يالغوا يالطيش يالعكش المضلـّه يامجرّدني كذا .... يامعتريني يـامخلّي أمعقّدات الكيف .. فلــّه ينشغالة فكري وحرفة يديني جعل من شطّن بعمري .... مايدلّه ويلعن اللي من مواصلك ايحديني أيه أببعد وأنكس الحال .. ولابلـّه ينكشف ماكان ... مابينك وبيني فلاتحسبنّي رخصتك لالا وواللّه أنّـّك مخاشر غلاي لوالديـني[/COLOR][/SIZE][/CENTER] [B] سعد بن علّوش [/B] |
[CENTER][SIZE="5"][COLOR="SlateGray"]شاعر وفذ أو فيلسوف أو مفكر
وشريحتي فالمجتمع عن شرايح من دلة أهجوس الحثاله مشكر ولالالا أشرب الالالا نادرات القرايح صادق مع أهل الصادقه وأمتنكر للعالم اللي معرفتهم فضايح بانيلهم فالقلب بابن مسكر حواجزه توه وفوقه لوايح وأحب من وسمه على القلب بكر من 95 وأوله طايح سكاته أمن المر وأحكاه سكر وأرضاه تحريضه وضيقه نصايح اللي ليا قفا وبالي تعكر يصيح له بين المعاليق صايح أضيق من غيبته لين اتذكر أنه ليا من راح فالعمر رايح[/COLOR][/SIZE][/CENTER] [B]سعد بن علّوش[/B] |
[CENTER][SIZE="5"][COLOR="DimGray"]كثيرة من بعض اشياء تحدث ربمآ للغير
قليلة من بعض اشياء تحي قلبي الغافي انا مآرحت يوم إني لقيت لعذري التبرير انا كنت انتظر يجلي الغمام بقلبي الصافي لقيت الناس من حولي بلا رحمة ولا تقدير وانا من بينهم امشي واقول بخاطري كافي محيت اللي مضى من ذكرياتي وانجلى التأثير وجلست ارمّد عيون العتآب بدمعي الخافي انا مثل الذي يزرع حروفة خير بأرض الخير وأحصد هالتعب عجّ لرمآد الباقي لأسلافي انا بعض الكلام اللي بقى في معسرات السير وانا كل السكوت المحتوي من داخل لحافي انا طعم الجروح اللي تروح ولاتعرف الضير وانا مثل الطريق اللي يعيق دروبه السافي انا صوت لصدا طفلٍ يتيم ومالقى له غير جروح اتوارثت من مهمهات المسلك الحافي انا وسم القصيد اللي وسم بأقصى الحنايا خير وتوسم من قرآ حرفي وصار بداخل احلافي وحزني ملّ من كل الدروب وعاقه التأخير وماغير ارجي هنا رب العباد يطمّن الخافي كثيرة من بعض اشياء ماتحدث ابد للغير وقليلة من بعض اشياء تعصر قلبي الغافي[/COLOR][/SIZE][/CENTER] [B]فهد المهوّس [/B] |
كله منك يا دكتور
[CENTER][SIZE="5"][COLOR="DimGray"]مرحوم ياللي كل ماجبت طاريه
تزاحم دموع الحزن عند طرياه ابذكره مادامت الروح تطريه وباموت ماماتت مزوحه وذكراه اللي شرانا بدت الناس نشريه ولا غاب عن وجه الزمن مانسيناه ليته مع ليل طويل ونسريه والا يفادى واني أول فداياه والا ورى قوم تبي ثار وفديه بنفس تموت وهمها غاية رضاه الله يبيحه كثر مالقلب يغليه ويالله عسى الجنه مهاده وملفاه[/COLOR][/SIZE][/CENTER] [B]مبارك العمور[/B] |
| الساعة الآن 07:41 AM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2024, Jelsoft Enterprises Ltd.