هذا المنتدى باشراف /المتفائل جدا!!!!!؟؟؟؟
 

لاتصدقون انهم حطونى مشرف ....ولاتصدقون انى باطلب الاشراف على اى شى
لاننى ببساطه اكره المسؤليات ...وذلك لايمنع من ان اكون اكثر الناس اهتماما بما يناط بى من مسؤليات ....يناط ....حلوه سجلوها

طيب وش الموضوع اللى تبى تكتبه وله علاقة بالاشراف ؟

الموضوع ان بنت ابن خيخى قالت فى احد المرارير انهم حطوها مشرفه ...وانا ابى اسئلها
كم يعطونها راتب ؟ ولا بلوشى؟
كيف يتم الترشيح ؟
كيف تمارس الاشراف ؟
هل يعطونها اى ميزه ؟

ارجوا ممن لديه معرفه ان يبادر للاجابه ...


a2 a3 a2

مبببببببببببببروك ( الأخ ما شاف الا العنوان )

عموما انا اجوبك على الأسئله هذي ولا تهون الأخت خيخه ...

جواب السؤال الأول : يتم الترشيح عن طريق صاحب المنتدى ومتى ما طقت براسه رشح ومتى ما طقت براسه فصل

جواب السؤال الثاني :تمارس الأشراف عندما ترز وجهك اربع وعشرين ساعه عند هالشاشه وترد على كل موضوع زين او مهوب زين المهم ترد وبس، والأهم من ذلك لاتنسى الحذف واذا ما حذف ما يصير مشرف ( صح والا لا يا خيخه )

جواب السؤال الثالث : ما اعتقد فيه مزايا لكن الميزه الأن هي تذكره سفر الرياض ـ الدوادمي ـ الرياض ...(تشجيع للسياحه الداخليه)

همممممممممم<---تفكير عميق
 

هل هذي دعوة لي اني اكتب مذكراتي مثل غازي القصيبي؟؟:D

اولا وباديء كل ذي بدء احب ان اشكر كل من ساهم بوصولي الى هنا واخص بالشكر بابا وماما وطنط لولة وتيته مضيوي واحب ان اهنيء خادم الحرمين الشريفين بابا فهد بمرور 20 عام واطالب وبشدة بخفض سعر الحليب الى 5 ريال للترين زي اول....

(وييييييييييييييييين،،مضيعه الاخت):confused:

المهم الصراحه انا كنت مشرفه على منتديين-وكلهم واسعات الانتشار ومشهورات


[[color=blue]الراتب؟؟

لعبوا علينا وقالوا لنا نبي نعطيكم تذاكر سنويه (الخرخير-نجران-راس ابو قميص)
ودبروا انفسكم بالرجعه
على النقل الجماعي-بس ورا مع الشناط
مع توفير مرطبات (برندا)+بسكوت ابو ولد..طيلة الرحله
ولكن طمعونا وماشفنا شي..[/color]

[color=seagreen]كيف يتم الترشيح؟؟

يشوفون اللي دايم منتص-وعلى قولة الاخ سمير-اللي فاضي يرد ولو رده على غير سنع
<----من دون ذكر اسماء[/color]



[color=purple]المزايا؟؟

والله مافيه مزايا الا
1- هالنجمة اللي تحت اسمي (مايعطونك اياه الا اذا صرت مشرف-وهذاي حطيته لي هنا وانا منيب مشرفه):p

2-كسبت معرفة بعض الصديقات اللي اعزهم (مثل العنود)
اللي يحتكون بالمشرفات ايام يوم كانوا من الشعب ،، ويرسلون لهم رسايل خاصه ويقولون تكفيييين تكفييييين حاكينا...
همين تتنازل المشرفه ويتعرفون من صحيح عقبه ويتقابلون برا النت ..
ويطلعون يقربون لبعض
طررررررررم طرررررررررررررررررم<---موسيقى تشويقيه

3-دخول منتدى المشرفين -حركات ورخام ويعطوننا كابتشينو ودنيا وحش بالاعضاء :D..يعني الواحد يحس انه مهم..
بعدين مركبين دجيتال هناك


[/color]
[color=green]عيوب الاشراف من خبرة حول سنتين من اشراف المنتديات

1- ان بعض المنتديات تضف هالبزارين باوقات فراغهم-فيجونك ماحفظوهم اهلهم ولاربوهم-يضطر المشرف يحفظ لهم وتعلمهم الادب
<---ياشديده انتي ياشديييييييييده:mad:

2- ان المشرف مضطر يرد على كل المواضيع-حتى السخيفه واللي ماعنده لها رد
حتى مايقعد يصايح صاحبها ويقول :-
وااااااااااء واااااااااااااء انتم ماتحبونني وتفرقون بين الاعضاء
خلاص خلاص اباصيح-اباروح لمنتدى ثاني واخليكم:(

3-لابد للمشرفه انه توفر معها عدد واحد (خيزرانه) علشان تلولش على ظهور الاعضاء المغازلجيه -
اللي يحسبون المشرفه فاتحه دكان تستقبل عروض وتقول بس ارسلوا لي رسايل والا اكتبوا بي قصايد:mad:
ولابد ان يكون صاحب المنتدى متفهم لهالشي-علشان اي واحد يضايق المشرفه ويحرجها قدام العالم ....تشطب عضويته على طول..
<-----شريررررررررره ياناااااااااااااس:D

4-لابد ان يكون المقص جاهز 24 ساعه-
خصوصا اذا كان المنتدى مثل اللي انا كنت اشرف عليه-كل شوي نازل موضوع وطابعه الخرابيط والهبال وموب جدي
لانه فيه ناس فاهمين النت غلط-وينزلون اشياء تبين ان عيالنا بعضهم يبغى لهم من يشيل عنهم النت...

5-لابد للمشرف انه يكون وسييييييييع صدر,,
يعني اذا حذف موضوع سخيف والا مكرر..يتحمل مايجيه من اهانات ..ويسوي نفسه ينكت مع العضو المتشره قدام الناس وروحه رياضيه
وهو لو يلقاه بالظلماء كان صفقه ولصقه بالجدار:mad:
[/color]

بالاخير قررت انه مايسوى غثاه..
وقررت اصير من الشعب-واطلع اسجل بمنتديات ثانيه-اشم هواء واشوف الناس

وسويت لي قروب مراسلات بريديه رهيب مره -والحين نجح وصار عندي فوق ال 2000 عضو
<---تقص عليكم قصة نجاحه
(ياحظتس):D

ما اصدق...!!!!
 

سمير هنا؟؟
ياخي حرام عليك..
ضاقت صدورنا عليك..
وتعبنا وحنا ندورك..
منزلين اعلانات-يوجد عدد واحد سمير في كرسيدا مظلله مفقوده
الجائزة سيكل 3 عجلات..

واللي يقول شفته دعسته تريله على خط سدير واللي يقول مشتبه به من القاعده وضفوه وشالوة لقونتانامو..واللي يقول ماسكينه التسول يشحذ عند اشارة بحلة العبيد..

وحنا نعيييييييييييط:616:


ياشيخ وهوشتنا عليك:(

المهلي ما يولي ( ما يعرف معناها بس يشوفهم يقولونها بالمسلسلات البدويه )

يا هلا بخيخه والحقيقه اني كنت مسافر لزيورخ .... طاش ما طاش

على فكره عنديلكم قصه مهيب صاحيه على طاري القاعده ... ترقبوها ... ( اخس يا بنده )

بعدين على طاري الكراسيدا

ترى جايتها عين مهيب صاحيه وهي ترقد على السرير الأبيض الأن ... تمنياتي لها بالشفاْ العاجل .. >>> بوكيه ورد