منتديات تداول - ضايق ٍ بي فضا سبع الاراضي

الشاعر خلف بن هذال

مونس(ن) وسط عظم الساق شاظي
في عيوني من العبره مضيضه

لي يمين عليه شهود ماضي
مانسيته ونسيانه غميضه

كيف ابا أنسا يمين عند قاضي
ينصف الحق ما واحد يغيضه

إن حكم لي بغير إرضاي راضي
ما خسر واحد(ن) ربي حفيضه

أتصبر وقلبي فيه لاضي
كية نيه والاخرى نجيضه

لازمي لزم واجب وحاضي
والدقيقة من الساعة فريضه

ضايق بي فضا سبع الاراضي
من سبايبك ياغضه غضيضه

اشملوا به ولي عنده مقاضي
راح ماشاف وش علة مريضه

المحبه يابو سود غواظي
ناب مغروس مايبري عضيضه

تنقض الحال وتقضه قضاضي
كان شفتك ف أنا روحي حضيضه

اه يا من معك ملحوظ ياضي
لا دقاقه ولا انتي بالغليظه

والجسد فيه من ريح الفياضي
عله الوسم واسترجع نقيضه

ان قفيته قصر عني وجاضي
وان نطحته معه بيضه وبيضه