منتديات تداول

منتديات تداول (http://www.tdwl.net/vb/index.php)
-   تداول الشعر الشعبي (http://www.tdwl.net/vb/forumdisplay.php?f=58)
-   -   سيلٍ حدر مع وادىٍ غير واديه (http://www.tdwl.net/vb/showthread.php?t=292299)

أناوبس 21-05-2011 06:14 PM

سيلٍ حدر مع وادىٍ غير واديه
 
[CENTER][B][SIZE=5][COLOR=#000000]شىءٍ بقلبى ياملا حايرٍ فيه
شىءٍ تحير به العقول الفهامي

مخفيه بفوادى و لا ودى ابديه
وادور الخيرات شرقٍ وشامي

احترت به ما شفت شىءٍ يحاليه
واليوم أنشد عنه مانى بكامي

سيلٍ حدر مع وادىٍ غير واديه
مدرى حلالٍ ماه والا حرامي

كانه حلالٍ جايزٍ شرب صافيه
وش حلله يامفسرين الحلامي

هاتوا تفاصيله وهاتوا معانيه
نبى الدليل اللى عليه الكلامي

نبي دليلٍ يفهم الدرب ماشيه
يمشي به التايه بليل الظلامي

يمشي به التايه ويقدى مواطيه
ويشرب قراح الما ليا صار ضامي

لاشك هجسي يوم خلا مماشيه
انه حرام ومنه زود الاثامي

احرم من الزقوم مره وحاليه
وشربه على الضامى يزيد الهيامي

الله من قلب همومه تقزيه
تدك به مثل الجراد التهامي

من ما جرى قامت تتله مشاحيه
تل الرشا من فوق هدف المقامي

روابعٍ قامت تصيبه وتخطيه
شاف الهوايل واختلاف الاسامي

ما يسمع الداعى ليا قام يدعيه
يعوم فى بحرٍ من الهم طامي

ما ينتبه للى بصوته يناديه
يزيد همه يوم كلٍ ينامي

يشوف وقتٍ ماعرفناتواليه
وقتٍ يشّيب منه ابن الفطامي

هذا زمانٍ كاثراتٍ بلاويه
الغيم يقلب فيه عج وكتامي

يا بعد شرب الما على كبد راجيه
ما سيل الغبرا زعوج الجهامي

انبيك يا من كلمة الحق ترضيه
اعطيك ما ينفعك وافهم كلامي

قصرٍ يذلك لا تقابل مبانيه
خله عسى شامخ طويله هدامي

خله عسى ما صاب اغادير يفنيه
يودع منازلـه الطويله رجامي

لوزان مدخاله وطالت حواميه
شيّد على الخيبه قليل الرحامي

وحىٍ يوريك المذ لـه وتغليه
أنا أشهدأنك ميت القلب عامي

من لا يودك لا توده وترجيه
ارفع مقامك ياعزيز المقامي

ارفع مقامك عن عدوك وتوذيه
ويلحقك من تركت رفيقك ملامي

حق الرفيق وواجبه لاتخليه
يلزمك مثل الوالدين الحشامي

اخترعزيز الجار والحق يعطيه
شبلٍ على هرجٍ يقوله يحامي

مادك به عرج المذ لـه وطاريه
يسبق على فعل الفضيله شمامي

ومن قارب الاجرب بالامراض يعديه
عدواه تسطي باللحم والعظامي

درب السلامه بيناتٍ مماشيه
ودرب العطب يّرث عليك اللكامي

ابعد وقلبك نازح البعد يشفيه
وتلقى عن الدار البغيضه مقامي

دارٍ بدار وداعى الذل عاصيه
ولا تقبل الذ لـه نفوس الكرامي

الذل موت حايماتٍ ضواميه
ادخل على منزل فروض الصيامي

عن مقعد بالذل عينك تراعيه
الموت عند الذل امان وسلامي

يرضى المذ لـه من تردت هقاويه
والذل يجفل منه قلب العصامي

والعبد لــه ربٍ عن الناس يغنيه
ولولاه ماصاب الهدف كل رامي[/COLOR]
[/SIZE][SIZE=5][COLOR=#ff0000]-------------

الشاعر .. محمد السديري[/COLOR][/SIZE][/B][/CENTER]

[SIZE=5]
[/SIZE]

adeam 11-06-2011 03:20 PM

[SIZE="5"][COLOR="DarkRed"]سيلٍ حدر مع وادىٍ غير واديه
مدرى حلالٍ ماه والا حرامي

كانه حلالٍ جايزٍ شرب صافيه
وش حلله يامفسرين الحلامي[/COLOR]


صح لسانك يامطوع القيفان
رحمك الله وغفر لك جيع الذنوب[/SIZE]

مشعل عبدالعزيز 26-06-2011 11:29 PM

رحمك الله يا أب زيد فقد كنت نبراسا يستنار به

أشوفه 31-05-2012 02:29 PM

[B][SIZE=5]قصرٍ يذلك لا تقابل مبانيه [/SIZE][/B]
[B][SIZE=5]خله عسى شامخ طويله هدامي[/SIZE][/B]

خالد حائل 07-06-2012 09:10 PM

[CENTER]رحمه الله
شعره مليء بالحكم والمفردات الأصيله
شكرا لك[/CENTER]

عبدالله هادي 14-02-2014 06:18 AM

اعجبتني
 
[CENTER][SIZE="5"][COLOR="SlateGray"][COLOR="DimGray"]

الله من عين ليا هود الليل
قامت تهل دموعها من سهرها

اسهر ليا ناموا رخوم الرياجيل
اللي رجالتهم على الله خبرها

وانا همومي وسط قلبي مداهيل
اسهر بها واسبح بغبة بحرها

واعد واحسب لليالي المقابيل
اليا نسيها غافل ما كرها

ما عاصر الدنيا وشاف التهاويل
ولا يوم ميز شمسها من قمرها

يا كل ويرقد منتفخ كنه الفيل
وليا شاف له سفرة وليمه حضرها

وانا حياتي كلبوها غرابيل
ومشاكل من عدها ما حصرها

وليا شكيت اشكي على جيد الحيل
اللي كسر صلب العظام وجبرها

يقطعك دنيا كلبوها عراقيل
ترمي على النفس العزيزه قشرها

ما تاسم الا في الرجال الحلاحيل
بيض الوجيه مكرمة من خطرها

كم واحد منها عظامه مناحيل
لقت له الدنيا مدابر ظهرها

عام ورى عام وجيل بعد جيل
وشيوخ قوم ما بقي غار اثرها

ومجالس فيها دلال ومعاميل
صدت ورى البيبان محدٍ سبرها

عقب الحطب والنار والبن والهيل
اليوم يارثها بخيل هجرها

ويارايد ابعطيك للعلم تفصيل
وارسم لك الاهداف واعرف قطرها

قول بلا معنى يجيله عراقيل
وقوم بلا عراف يعمى بصرها

والحنظله لو هي على جاري السيل
ينقص حلاوتها ويكثر مررها

ومجالس الانذال والقال والقيل
مثل السهوم اللي سريع خطرها

انشد عن الاجواد ذباحة الحيل
واجلس مجالسها وسير ديرها

والنذل لا يلقى علانا مداخيل
وسود اليالي لا تجي في نحرها

ووصل حبال مقطعين المواصيل
لين الليالي البيض يطلع قمرها

وخلك مع أصحابك بعيد المناويل
لا تبدي أسرارك لمن يختبرها

ترى أصحاب اليوم قوم حناشيل
ما عاد نعرف صدقها من بورها

اخذ الصحيح وكب عنك التعاذيل
نصيحة من والد لك سطرها

تجارب ما هي هروج وتماثيل
حكمة حكيم قالها واختصرها

[/COLOR] [/COLOR][/SIZE][/CENTER]




[B]الشاعر / مساعد بن سعيد الهذلي [/B]

أليا صهل 14-02-2014 07:02 AM

[B][SIZE=5]والعبد لــه ربٍ عن الناس يغنيه [/SIZE][/B]
[B][SIZE=5]ولولاه ماصاب الهدف كل رامي[/SIZE][/B]

White Flower 21-02-2014 04:01 PM

[B][SIZE=5]قصرٍ يذلك لا تقابل مبانيه
[COLOR=magenta]خله [/COLOR]عسى شامخ طويله هدامي

[COLOR=magenta]خله[/COLOR] عسى ما صاب اغادير يفنيه
يودع منازلـه الطويله رجامي

لوزان مدخاله وطالت حواميه
شيّد على الخيبه قليل الرحامي

وحىٍ يوريك المذ لـه وتغليه
أنا أشهدأنك ميت القلب عامي

[COLOR=magenta]من لا يودك لا توده وترجيه
[SIZE=6]ارفع مقامك[/SIZE] ياعزيز المقامي[/COLOR]

[SIZE=6][COLOR=magenta]ارفع مقامك[/COLOR][/SIZE] عن عدوك وتوذيه
ويلحقك من تركت رفيقك ملامي[/SIZE][/B]


الساعة الآن 10:04 AM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.