14-10-2009, 11:41 PM
|
#1
|
متداول نشيط
تاريخ التسجيل: Feb 2006
المشاركات: 2,328
|
قولوا له اني مارتضي
ما كنـي اعرفـه ولا كنـي ابغيـه
وانا عليه من امه احـب واجـرى
ياكثرهـا تسليمـة يــوم الاقـيـه
لي عين تكتب له وله عيـن تقـرى
ولا حل طاريـه تجاهلـت طاريـه
ماكني ادري عنـه وانـا بـه ادرى
احشم قريبه حشمـة لـه واداريـه
واخشا يجي في خاطره شي وادرى
بسكات يغليني وانـا حيـل مغليـه
لا تيلفـون ولا مواعيـد غــدرى
لا اسولـف بحبـه ولانـي بكانيـه
وغيري لونه يوالفـه كـان هـذرى
لايحسبنـي يـوم قفيـت ناسـيـه
لعيونـه انـي ماتحاليـت عـذرى
ليت الزمن يرجع وانا اعلمـه ليـه
ولا الحظوظ من المقابيـل تشـرى
كل العذارى في الوفـاء ماتساويـه
كنه اليمين وباقـي الغيـد يسـرى
قولوا له اني مارتضي بالبـدل فيـه
لا مال قارون(ن) ولاعرش كسرى
يرتاح ماغيـره مـلا عيـن هاويـه
غلاه نهر النيـل والقلـب مجـرى
واكبر دلليل اني الى غـاب احاتيـه
كم لليلة ماتت علـى كـف مسـرا
وان قالوا انه شرق وازريت لا اجيه
وجهت وجهي كل ما نمت حـدرى
محمد بن فطيس
|
|
|