يعني من قلّ المصايب صـاب هـذا الصـدر ضيـق
والا ّيعني من الحظـوظ الزينـه.. ورفـع المكانـه
ذي حياتي من مضيقٍ ..في مضيـقٍ.. فـي مضيـق
ولو بحثت الصبر فيني.. مـا اجـد للصبـر خانـه
عادتي لا ضقـت ادوّر (حضـن وعيـون) الرفيـق
مشكله .. لا صار ضيقـي منـه واحزانـي عشانـه
يوم قال: (اسمح لي بارجع) وانت كمّـل هالطريـق
لازم تقـدّر.. وتنسـى.. وننتهـي كــلٍ وشـانـه
قلت: صبـرك (يرحـم الله والدينـك) ..مـا اطيـق
ماني ناقص فوق جـرح اقدارنـا.. جـرح الخيانـه
حاجتـي لـك حاجـة الايتـام وايديـن الغـريـق
طالبك طلبه.. ترانـي اعشقـك: (صـون الامانـه)
وراح .. ماكنـه سمعنـي والتفـت لفتـة طلـيـق
وقال: اخيراً مـا بغينـا.. ثـم غنّـى (ليـل دانـه)
عندهـا أدركـت فعـلاً ..قيمـة الـحـب العتـيـق
وقلـت: هـذي آخرتهـا.. مـا تجـاوزت امتحانـه
ضيق صدر ..وجرح قلب..ودمع عين.. ونشف ريق
هـذا كـل اللـي جنـاه العاشـق بآخـر زمـانـه
مدري كن الحزن فينـي شـاف لـه نِعـم الصديـق
مـدري يمكـن كنـت فعـلاً كفـو للحـزن وتكانـه
والفـرح كالثـوب لكـن لبْستـه لـي مـا تلـيـق
دام لبْـسـه لاي خـاسـر مــا وراه الا الإهـانـه
آه ياحزنـي ترفّـق.. صاحبـك جرحـه عمـيـق
اشهد انـك.. يـا رفيـق العمـر طيّحـت الميانـه
مثلي مثل اللي يراهن خلـق ربـي.. فـي عشيـق
والبلى.. راهن ويـدري خاسـر العشـق.. ورهانـه
ويعني من قل الخسايـر صـاب ذاك الشـاب ضيـق
يكفي لا هالوقـت وقتـه... ولا مكانـه هـو مكانـه
