لا اله الا الله
ناس تضحك على خسارة اخوانها في العقار
وناس تضحك على خسارتهم في الاسهم
والمفهوم هو انه لا العقار في عريض والا اغلب شركات الاسهم تستحق اسعارها وماهي الا فقاعه ستزول طال الزمن او قصر
والعقار صح مطلب لكل الناس لكنه العقار الصالح للبناء مسكن وليس عقار في البر
ومافيه ولا واحد شاري في عريض عشان يبني له بيت هناك
الكل يشتري ليبيع على الي بعده بسعر اعلى وهذي كل الحكايه
الانسان الحصيف العاقل يستغل الفرصه لكن لايحتفظ بسلعه لاتساوي ثمنها كانت عقار او اسهم
والناس تعلقت من شهرين في عريض باسعار اعلى 40% ومثلهم ناس في الاسهم تعلقوا وخسروا 50% هالاسبوعين الاخيره
العقار ابطئ في النزول وابطئ في التعويض
والاسهم اسرع في الاتجاهين
نصيحه الي معه فلوس من مليون وفوق وعنده سكن ملك
يشتري عقار مؤجر دخله لايقل عن 9% ويريح راسه من مضاربات الاراضي والاسهم
|