يامن ترا للضيم سيفٍ يجاهدك
......وزفرة الم صدرك تأجج من سنين
هذا طموح ابليس وشعور ماردك
.................يبي يثبط فيك عزم القويين
لاتنحنيله هم ويصير قايدك
...........ولايرسم بوجهك شعورالتعيسين
ولالا تبايعله ولاهو يعاهدك
..............ولاتنخدع باللي لحزبه موالين
وان شفت خيله اقبلت لك تطاردك
...........ورزت بصدرك راية اقوى العدوين
قم وتوضا واجعل اغلب تواجدك
.............في داخل المسجد جوار المصلين
وان كان ودك تردع جيوش حاسدك
..........،وتقصف حماه وتستفز الشياطين
عليك بالقران درعٍ يساندك
...................وكل ايةٍ تقرا تزيد الموازين
الله كفيل يزيح همٍ يراودك
......... وينهيه في سرعة قبل ترمش العين
ال طاعة الله شمر وشد ساعدك
..............وخلك مع اللي بكلمة الحق ماشين
احفظ حقوق امك وطع امر والدك
...................واخفظ لهم جناح ذلك من اللين
وان شفت بعض الناس يسأل وفاقدك
................مد اليده فنجال كيف الوفيين
تلقى الفرح في كل حزه يعايدك
.............والحزن مايسألك وجهت من وين
ابطاعة الله تجنى اجزل فوايدك
..........،،،......حكمة اله الكون والعز بالدين
|