[بسـمـه]

جيت المدينة وبداخلي طفل(ن) عسى الله يصلحه
طفل بدوي ولـد ابـدوي طيـب ولكنـه عنيـد
جيت المدينة وفي يدي طيب البـداوه ومسبحـه
جيت اشوفـك يالحضـاره جيـت ادور للجديـد
طفـلا يعيـش بداخلـي وكـل كلمـه تجرحـه
يهدي سبايك من ذهب والناس تهدي لـه حديـد
كـل دمعـه تجرحـه وكـل بسمـه تفـرحـه
جيت ادور للفرح لـه وماشعـرت انـي سعيـد
لو توّن وتشتكـي الدمـع ماحـد(ن) يمسحـه
الناس واجـد بالمدينـه واقـرب العالـم بعيـد
مافي المدينـه اي شـي قلـت يمكـن امدحـه
واعجزت يادروب المدينه واحتار وياي القصيـد
الوضع ياقلبي صعيب والحـال ماقـدر اشرحـه
اريـد وانـت ماتريـد والله يفـعـل مايـريـد
ماحد(ن) ضحك لي في المدينه الا ويبغى مصلحه
فقيرها ماله سند وصـار الـردي عـم وسيـد
رجعتي لك يالمدينـه موضـوع توبـه أفتحـه
خـلاص ياقلبـي خـلاص لاتزيـد ولاتعـيـد
سـلام لـك ياقريتـي ياطيـف دايـم ألمـحـه
ياقريتي باقصى الجنوباحـرارمافيهـا عبيـد