[أليا صهل]

ياطير ياللي في سماء العشق خفــاق
بالله تجمــــل عند سيـــد الغنـاديــــر

واسجع مواويل الطرب هي ولأشواق
ركب الغـرام يــزف بـك والتـعابيــــر

ود الرساله صاحبي وقت الإشـراق
اللـي بغيابــه ذقــت كــل الـتعازيــــر

وبلغه تحيـــه من نبــض الأعمــاق
بالطيب تنـفح مثل عــود المبـاخيــر

وقلـه اني مـروي ن بيـــض الأوراق
من يــوم وادعتـه تسيــل المحابيـر

ليلي قصايـد للشــقاء هـو والإرهــاق
مالـي على بـــُعد الحبايب مقــاديـــر

شكيت مـافـــاد الشكاء لي ولا حــــاق
غـير السهروالــنوح وكـثر التفاكيـر

ابـصبر واتحــمل لا والصبر شــــــاق
وعقب الصبر ألقـاك من دون تأخير

يابـوخـدود ن كنها شمـس الأشـفـــاق
إنت الضياء في دنيتي ويـن ماسـير

قربك كما عـفوالمحابــــيس بــ إطلاق
يطـلق سراحي من هموم ن مخافير

وذكراك تسلـي خاطـري كل مــاضـاق
عـاده لها تحـيي اللـــيالي المسافـير