هاك كل القصيـد إخـذه مثـل ماتبـي
والله اني اغبـط الخاطـر المستريـح
كيف لاجيـت بكتـب أحتـرق بلهبـي
شمعة ماتحـس بعمرهـا مـن تسيـح
كل شاعر ترى لو هو تشاطـر غبـي
يطرب الناس شعره وهو جروحه تصيح
خذ قصيـد بـدا قبـل يخـط شنبـي
يوم الايام كانت مثـل ريضـان شيـح
آه ياليـت تجمـع بعـثـرة مكتـبـي
والله اني نويت أبني لشعـري ضريـح
كم كتبت وكتبت ولا وصلـت اطلبـي
مدري العيب فيهم ؟اوبطبعـي صريـح
كن الايـام بـرد وهالقصيـد أحطبـي
والاماني رمـاد وهـا التوافيـق ريـح
بدل الوقـت شكلـي ولاقـوى مذهبـي
وادري ان الاماني بـهالزمن من صفيح
سهل ويا الصديق ..وللـردي مصعبـي
دون طيحة خويـي والله انـي لطيـح
هيه يامن تفتش دفتـري..! وشتبـي ؟
كل بيت يمـرك اعـرف انـه جريـح
وكان ماكفاك شعري يخلـف الله تعبـي
مايخلد ويبقـى الا القـوي والصحيـح
يالقصيدة تثنـي ،واطربـي ،والعبـي
في زمان بوجه اللي هقى بـه شحيـح
دامهـا بالبدايـه والنهـايـه حَـبِّـي
لايغـرك قـوي العـود باكـر يطيـح
|