ارجوك شفني من عنا الوقت ملتاع
حتى الصبر ماعـاد لي فيه حيله
فيني هموم وحزن وطعون واوجاع
وكـل الجهات الاربعه مستحيله
وانتي وانا والحـب يابنت بصراع
والنفس في عزه .. ولا هي ذليله
الحـب واحد ماله اشكال وانـواع
من خـلقة الدنيا وهـذا سبـيله
صـدق المشاعراصلها حلوالاطباع
نـبراس باق الحـب لازم تجيله
لبـسـت قلبي عن هوى الغير بقناع
والخل وش ... يسوى بليا خليله ..؟
والقلب ماهو عن عطا الحب جزاع
خـذ الكثير وهـات باقي قـلـيـلـه
زرعت لك في روضة القلب مرباع
وسقيت روض الحب من سلسبيله
تثمر بساتين الغلا وسط الاضلاع
كـلي امل يا شوق اجني حصيله
يمـكن يقوم الحـظ مره وينصاع
وان مات يبقى الحب ذكرى جميله
يابنت انا من قـاسي الوقت ملتاع
حتى الصبر ماعـاد لي فيه حيله
فيني هموم وحزن وطعون واوجاع
ومن وين ما وجهت روحي عليله
غير معروف