يامسافـره مـع جـنـاح الطـيـر
يامسافـره مـع جـنـاح الطـيـر
حسبـي علـى الطيـر مـن هـدّه
ضفّـك جناحـه وعـيّـن خـيـر
وحـبــال الأشـــواق مـمـتــدّه
يابنـت .. مــا للسـفـر تبـريـر
خــص ٍ لـيــا طـالــت الـمــدّه
انـتـي تقولـيـن جـــدّه غـيــر
وانتي بعـد غيـر عـن جـدّه ؟
جيتـي بحرهـا وجــاك مغـيـر
مشـتـال مـوجـه عـلــى يـــدّه
الـمــوج ودّه يـضـمّـك مـيــر
الـــبــــحــــر .. ودّه ولا ودّه
يانـفـحـة الـشـيـح والـنـويّــر
ســـداح بـــاح الـجـفـا ســـدّه
وش خانـة الشـعـر والتعبـيـر
أبـنـي لـــك الـبـيـت وأهـــدّه
دايم وطيفك ضحى واعصيـر
يــشــنّ هـجـمــات مــرتـــدّه
واليا عرض لي عكست السير
وسيلّـت دمعـي عـلـى خــدّه !
اليـاس يقضـى علـى التفكيـر
وافـزع ورا الصبـر وارتــدّه
وانـــادي الـحـلــم للتـفـسـيـر
ولازلـت .. ولا زالـت الشـدّه
من يـوم كنتـي وكنـت صغيـر
نضحـك علـى العـمـر ونـعـدّه
واليـا حصـل بينـنـا تقصـيـر
نـصـدّ .. ولا تبـطـي الـصـدّه
ليـن ابتـدا الشـيـب والتوقـيـر
وعـلاقـتـي مــعــك مـشـتــدّه
محبّـه .. وحشـمـه .. وتقـديـر
ويـضـدنـا الـحــظ ونــضــدّه
منتـي عـلـى مـوجـة التغيـيـر
يـابـنـت الأجــــواد مـحـتــدّه
لقـيـاك مــا تـقـبـل التـأخـيـر
خــص ٍ بـعـد طـالــت الـمــدّه
ويـا اللـي تقوليـن جـدّه غـيـر
انتـي بـعـد غـيـر عــن جــدّه
للشاعر/ سداح
|