ياللي تروم المرجله صفحات شعري لك دليل
قبل تمر بصفحتي الاسم يرمز لك مداه
عليك باللي لا نوى مايحسب حساب ال ذليل
بعيد هقواته لك الله ويتعب من هقاه
الذيب يرقد بالضحى واليا نوى يضوي بليل
والذيخ يدنع فالقوايل تحت رحمة من رباه
ماودي اطول كلامي لكن اعطيكم دليل
احيان اوردها ضما واجيب صافي من صفاه
وانحت كلامي من صخر واميل اللي مايميل
واليا بغيناها تجي بامر الولي نروي ضماه
بعيد الهقاوي قالها مايسبقك غير الاصيل
العمر شارف اربعين وش عاد باقي مانباه
|