[أليا صهل]

قصيدة الشاعر خلف بن هذال العتيبي


القلب اهل الهوى عـــــــــزروبه ..... كنه يقطع بحدب الجنـــــابي
سابح ونيضه على الــــدم دوبه ..... كم ليلةٍ في منامي سرابي
شفت المذله وذقت العقـــــوبه ..... تطلع علي الشمس ما يندرابي
كني على الباب قضاب نــــوبه ..... مالي زميلٍ يخفف عـذابي
بالكسر كن العظام معصــــوبه ..... اخفي عن الناس واجحد صوابي
ماكن فالحال همٍّ يلـــــوبه ..... ولا كن يجري معي سـمّ دابي
اخاف من هرج ناسٍ سعوبه..... تسعى بالاكذاب بين الغيـــابي
اصون عشقي وأسنّع دروبـــه ..... أفتح للاشواق بابه وبـــــــابي
من سبتك يا مخضب كعـــــوبه ..... تزهى الخواتم وتزهى الخضـــابي
منك العجايب وفيك العجــــوبه ..... عندك عواطف بنطق الجـــوابي
ياغصن بانٍ نعم في قلــوبه..... مترمعٍ بين خضر الـــــروابي
تلعب به الريح دوبه ودوبــــــه ..... ما حل في عود جذعه عيـــابي
ياعين حر لنجد قنصـــــــــوبه ..... له ماكرٍ في قرون الهضابي
يطرح عشاهم ليا روحـــــــوبه ..... لو طار بين السما والسحـابي
ياعنق ريمٍ ربى في خبــوقه..... يجفل ليوحى حنين الركـــابي
يتبع وسوم الحيا وعتــــــروبه ..... قومٍ بقطع الخلا ما تهـــــابي
لكن يا غايبين ارجعــــــــــوبه ..... هاتوا حبيبي ترى القـــلب ذابي
ومشوا على مهلكم ورفقوبه ..... وادروا بخاطر غضيض الشبــابي