ياكريم ٍ بالجفا ، ليتك بخيل !
ويابخيل ٍ بالوفا ، وين الكرم .؟
مشكلة شاعرك .. يالطرف الكحيل
محترم في وقت .. ماهو محترم !!
شاعر إحساسه تميز ، بين جيل
مثل ما الجيزه .. تميّز بالهرم
زارع ٍ فيك الغلا ، بس الحصيل ؟
لو غشاه النور ، بالنار إنضرم !!
الغلا الصادق .. و الإحساس النبيل
زرعها قد حال حوله .. و إنصرم
أبشع من الكذب .. نكران الجميل !!
حرمّوها .. يامحلل .. ماحرم !!
مادريت إن الكذب .. حبله طويل
قبل لا أشوفك ، وأحبك / وآغرم
كيف تمشي مع .. مشيّعة القتيل !!
وأنت في عنقك .. طلايب وإمغرم !!
لا تقول إن قلبك المرهف / دليل !!
والله انه تاه .. (عنّي) وإنحرم !!
قلبك اللي .. دوّر لقلبي / بديل
ضيّع القبله .. وهو وسط \ الحرم .!