[أليا صهل]

أسابق الساعه و تسبقني الساعه
0000000000000تقضي و انا توني باوّل ثوانيها
أبشتري وقت وين اسواق بيّاعه
000000000000ياللي تبيع الدقايق حد و اشريها
قلبي يبي وقت لو الوقت ما طاعه
00000000و عيني تبي شمس لو الشمس تعميها
و نفسي مثل باقي الاجواد طمّاعه
0000000000000ابي اجدّد على الفرحه لياليها
لا شك الايام للفرحات منّاعه
0000000000000لو نوّرت ليلةٍ عشرين تطفيها
يظهر ثبات الفتى و النفس مرتاعه
0000000000خوفٍ على اللي نحبّه من بلاويها
لو ان كل ينال مناه بذراعه
000000000000خذيت حقّي من أقصاها لدانيها
المشكله انك يابو لحظين بتّاعه
0000000000تاخذ سلاحي من الكفين و أعطيها
و انا ادري ان العيون السود خدّاعه
00000000000لا شك ودي أصدّق منك داعيها
و المهتوي لاهتوا مايطوي شراعه
000000000يمشي على النار كنّه ما وطَى فيها