[ابوخمايل]

أفكر فيك وأتأمل وش الدنيا قبل ماألقاك.
وأنا من يوم حبيتك صارت حياتي غير
هويت الناس والدنيا.
كثر ماخاطري يهواك.
وصار الحب له لذه تفوق الوصف والتعبير.
حياتي دنيتي أهلي وكل عالمي
يفداك.
أنا كلي غلا جيتك ومن فوق الغلا تقدير.
أحس الليل به نبضك وريحة عطرك وذكراك.
وأحس أنفاسك الحلوه يداعبها الهوى وتطير.
ألا ياليتني أفتح بقلب الليل لك شباك.
وأجيك شايلن قلبي على خيط الظلام أسير.
قدير الله يجمعنا على أرض الفرح وياك.
ويشرق صبحنا الدافي وجنحان الظلام تطير.
حبيبي "يابعد عمري" حياتي كلها تفداك.
كفايه لاتذكرتك أحس أن الحياة كلها بخير