يالبيب القلب والنفس الكريمة = النصيحة يشتريها كل صاحي
الشاعر/ محمد بن عباد السلولي الشهراني
يالبيب القلب والنفس الكريمة
النصيحة يشتريها كل صاحي
لاجفاك الوقت وايقنت الهزيمه
في مقام الهون لاترضى المطاحي
سجها وابعد عن الدار الوخيمه
الوخم ماذكر في نبته صلاحي
العزايم للرجال اكبر غنيمه
والبسيطه في مناكبها فساحي
مايقطعك الديار الا العزيمه
والسرى بالليل لاطاب المراحي
مثل ماقالوا بالامثال القديمه
يحمد القوم السرى عند الصباحي
والثلاث اللي بها قطع الخريمه
الخوي القرم والما والسلاحي
مارضى بالذل رجل فيه شيمه
والظليمه والجفا الموت المتاحي
ياظلام الليل ياجور الظليمه
في الوجيه وفي القلوب وفي المشاحي
يدفع الظالم على ظلمه قسيمه
لويطول الوقت مافيها سماحي
كم منعم زال من ظلمه نعيمه
وكم كيان من دمار الظلم طاحي
والقلوب اللي نواياها سليمه
مثل نور الصبح بوجيه الصحاحي
ولايسام العرف للناس الفهيمه
والمجرب كم يشوف وكم يناحي
والقلوب اللي غشاوتها مقيمه
ماينبها المنادي والصياحي
والسعد لاهب للمومن نسيمه
طاب حظه في الغدو وفي الرواحي
ومن برك حظه يلاوي بالشكيمه
لين تنزف من حلايقها الجراحي
ومن يقول ان العوافي مستديمه
مافرق بين الهماج من القراحي
واحدفقده على ربعه ثليمه
جامع للطيب من كل النواحي
للرفاقه دايم يمناه ديمه
لالحاهم من ضروف الوقت لاحي
ريفهم لعذر نديم في نديمه
ماتذرى دون ربعه بالسناحي
وان وصل حد الغضب والغيض تيمه
وافشلت كل المساعي بالصلاحي
واكتسى جو العرب عج وغيمه
واختلط عج الاصايل بالملاحي
وافرعن البيض وارخن الخطيمه
وارفعن الصوت لعيال الفلاحي
وينكم ياللي تفكون اللزيمه
يامخضبة الهنادي والرماحي
وقفته توفي غريم من غريمه
مثل ضلع لايراز ولايزاحي
وواحد محد فقده الا حريمه
للعرب مامنه زود ولاصلاحي
ماتشوفه غير لاجات العزيمه
قاضب المجلس وعرضه مستباحي
وان سمعته قلت وش هذا الصتيمه
والدعاوي كلها يالاح لاحي
طايح بين النساء مثل الهشيمه
طول عمره لامجي ولامراحي
والصلاه ازكى كلامي وتختيمه
للنبي وعداد ذعذاع الرياحي
منقول من ديوان الشاعر/ محمد بن عباد السلولي الشهراني
|