[اشراقة قلم]

[poem font="Simplified Arabic,6,gray,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
قالوا علامك صامت وقلت ياناس =كثر الكلام يقل لاجله مقامي
الصمت حكمه والحكي مصدر إفلاس=ولقيت في صمتي يزيد احترامي
الصمت له معنى وله ذوق وإحساس=مركب نجاتك في بحور الظلامي
ترى الرجل صوره من الراس للساس=ثم يتبين جوهره بالكلامي
إما نطق في كلمة ترفع الرأس=تضفي على شكله جديد الاسامي
وإلا يعود معدنه معدن نحاس=يرميه سهمه بعد ما كان رامي
لاصار عندك من ثمينات الألماس=خله بصدرك لين وقت التمامي
أخاف يطلعلك من الناس بلاس=وإلا سفيه مايرد السلامي
الله خلق خلقه على عدة أجناس=وكلن يسوقه مذهبه للأمامي
والله خلق بالطير قمري وقرناس=ووقت الهدد ما ينغزي بالحمامي
لا جال في صدرك من الهم هو جاس=وعينك يحاربها لذيذ المنامي
ونفسك عليله والفكر صار محتاس=اترك طمان القاع وارق السنامي
عليك بالعالي ليا هب نسناس=يبري الجروح الخافيه والعظامي
وخلك لربعك دايم الدوم نبراس=وخص القريب وخص ولد العمامي
خلك لهم في داجي الليل مقباس=قدم لهم شربك ولوكنت ضامي
وخلك لثوب الطيب والعز لباس=واترك دورب تنتهي بالحرامي
وفعل الجميل وواجب الضيف نوماس=ومن لا نفع بالضيف نفعه عدامي
بيت الكريم أبوابه بدون حراس=وبيت البخيل يعد مثل الهدامي
كل بها الدنيا نصيبه بمقياس=ياخذ نصيبه لو جفوه الأنامي
لا أعرف اسم الشاعر[/poem]