انـا بلـيت بحبـكم مـــن هبــالي
والا انت ظل ما لنا فيـه مقيـال
خـيرك لغيري والشقى والعنا لــي
والمشكـل انـي عـارف كـل الاحوال
ارمي بـروحي في بحــرك الــزلالـي
وتنسفني امواجـاك على يابس الجـال
اسأل افراشي كيف اقضي الليـــالي
بالليل لي حال ومعكـم لي احــوال
ومن خـوفي العـذال تـدري بحـــالي
ويكثر علي من العذل قيل والقال
أبعــدت خـلانـي وجيتـك لحــالـي
وفـرشــت لك قلـبي مقـر ومدهــا ل
ويـوم أبعدن احبـالهم عن احبـالي
ودريت انـك عندنا غــالي المــال
أبديت عقب الحـب صافي الجفـا لـي
وخليتـني محتـار في أشهـب الــلال
وطلبت رب عـالم مـا جـرى لــــي
ما حط دون الخلق حاجب ومرســـال
ومنحني السلوان عـالي الجـــــلالي
ورد الحياة لسال ما طلب مـــال
وابعد خيالك خالقي عن خيـــالي
وقصر على الليل من عقب ما طال
واليوم ترســل وتبـدي الوفا لي
تبدي لي أعذار قصيرات واطـــوال
تبي تجـدد ما انقطـع من وصـــالي
ترضى غـرورك بس ياحسن الاقبــال
ما عـاد تخدعـني عقـب ما بـــدالي
وان عدت فيما عفت ماني برجــا ل
|