من مشاكلنا في سوق الاسهم
أتمنى في التنظيم الجديد إن المتداول اذا طلب أو عرض عدد معين من الأسهم وسوى الطلب ليس الحق في سحب طلبة إلا إذا أغلق السوق سواء في الفترة الصباحية المسائية مايصير مثل بيع الحريم تشري وتهون ولا بيع بزران صار حراج سيارت يرفعون هالشريطية السعر وهم لايشرون ولايبعون اللهم لك الحمد وهذي المشكلة انها في جميع الاسواق الرجال ماتنزل كلمتة الارض اذا شري مايهون لو يخسر كل حلالة واذا باع مايقول هونت 00 مرة كنت في حراج السيارات وكان فيه واحد من اخوانا العرب يبغى يبيع العربية بتاعتة في الحراج وهم يحرجون على سيارتة كل شوي يزود عليها اخيرا رست علية يوم طلبوا العربون منه قال دي عربيتي قالوا هه وشلون تزود على سيارتك ونت بتبيعها هذا مايصلح تغش وقاموا طلعوه من الحراج ولا باع سيارتة ولاأحد حرج عليها مع انه يمكنة معذور للجهل في ذلك لكن الملامة على جماعتنا وش عذرهم0 الى الواحد يحط طلب ثم يرفعة وهو مو قصدة يشتري إلاقصدة ارتفاع الطلب حتى يبيع عليهم يعني ماهو بعيد من شريطية الحراج ولا من اخونا هذا ةسلامتكم 00 وانت سالم وغانم
|