[أليا صهل]

يـا علـي لـو شفـت ريــمٍ شايفـنّـه = فــوق مـشـرافٍ زمـامـه معتـلـي
كــان ذبــت وزدت الـنــوح ونّـــه = وابتليت وصرت من عقلـك خلـي
يـا علـي تـوّه غريـر صغيـر سنّـه = خشـف ريـمٍ يرتعـي روس الفلـي
نور وجهـه مثـل نـور البـدر كنّـه = والـمـيّـدل كـالـظــلام الـمـسـدلـي
مثـل عـود المـوز يـلّـي تــاه فـنّـه = تـــايـــهٍ مـتــمــايــحٍ مـتـمـايــلــي
لي يشوفه قال ذا مـن حـور جنّـه = يسـلـب العـشـاق وهــو مجـبـلـي
بـيـنـي و بـيـنـه حـــزومٍ بـيـعـدنّـه = رابــيٍ فــي بــر روحــه مخـتـلـي
يــا عـلـي جيـتـه مسـلّـم زايـرنّـه = وابتلـيـت مـنــه بـعــوقٍ مـدمـلـي
سرت باصيـده وصـاد القلـب كنّـه = واجـتـرح لـفـواد جـــرحٍ داخـلــي
والـعـذارى كـــم غـيــري لتـهـنّـه = صـوّبــن قـلـبــه و تــــم مـعـلّـلـي
آه يـا مــن فــي هـواهـن عذّبـنّـه = وابتـلـنّـه مـثــل بـلــوى الغـافـلـي
زاهــن لقلـبـي و لـفـواد سرقـنّـه = وملـكـنّـه مـلــك عــبــدٍ زنـجـلــي
شيب عيني من تصاويب المظنّـه = صابني ما صـاب محسـن الاوّلـي
شطّنـي مــن شــط حـبّـه كاتمـنّـه = فـي فـوادي لــه مـحـل و منـزلـي
والله انّـي حـيـن مــا قفّـيـت عـنّـه = كـادنـي لـفـراق مـنّــه يـــا عـلــي
بالتـعـطّـف والـســلام مـوادعـنّـه = ناظـري مـا حــف دمـعـه يسبـلـي