ابد ماجيت ابارك لك ولكن جيت ابا أوصيـك
على اللي ناوي(ن) تدخل بها الليلـه .معذبتـي
ترى لولا الظروف الي عطتك وحدت محاكيك
قسم بالله ماتدخل عليهـا لـو علـى رقبتـي
ولكن النصيب اقوى ولا ادري ويش اسوي فيه؟
نعم صارت معزبتـك ولاصـارت معزبتـي
كذا شاءت بنا الاقدار تحرمني لأجل تعطيـك
كذا لازم عشان تفوز انت اخسر بتجربتـي
تراهـا غاليـه جـدا وتكفـى والله يخلـيـك
تدللها..تدلعها..تنسـيـهـا مصـاحـبـتـي
انا من كثر ما اغليها احس اني بديـت اغليـك
ولا تسـأل بايـة حـق والا وش مناسبـتـي
لانك لو بتسألنـي بتسمـع شـي مايرضيـك
لـذا ياخـوي لاتسـأل ولاتسمـع لأجوبتـي
ابيك تحطها في داخل عيونـك وبيـن ايديـك
وهي دلوعه اعتادت علـى كثـرة مداعبتـي
فداعبها شوي شوي حتـى تستهـي طاريـك
وشاغبها الين تقـول بطـل مـن مشاغبتـي
واذا هي مالها خلقك ولاتضحـك ولا تسليـك
تحملهـا واسألهـا ياعمـري ليـه عصبتـي؟!!
وبالك اسمع انك يوم تضربها وهـي تشكيـك
مايحتاج اوري لك بفـن الضـرب موهبتـي
صحيح انك بتملكها ومعـاك الصك بالتمليـك
وانا عارف حدود الله ومـن حقـك معاقبتـي
ولكن!قل لها: المجنون وصانـي وهـو يعنيـك
يقول: انـه بينتظـرك ولـو شيـب وشيبتـي
وانا مجنونها الي مانساهـا وانـت مايمديـك
تغطي ذكرياتي فـي هواهـا و ربـع تجربتـي
احس اني تماديت بكلامي والغضـب حاديـك
لو انك فـي مكانـي ماتفكـر فـي محاسبتـي
كفاك اني تركت الليله اشغالي عشـان اجيـك
دخلت القاعه برجلي ولاادري ويـش عاقبتـي
وانا ماجيت اخرب عرسـك الليلـه ولاآذيـك
انا جيتك عشان اخاطبـك واسمـع مخاطبتـي
توصى وانتبه واحـرص عليهـا والله يهنيـك
ترى كل الكلام الي طلع من ضيقـي وكبتـي
ولكن ماقدرت انـي اقولـه وانـت مايخفيـك
اخاف اني اذا قلـته تقـوم وتقطـع رقبتـي
|