[الحلا كله]

[frame="13 80"][poem font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]



وش فيك تبكي فديتك يابعد عمري =
حرام والله أشوف الدمع بعيونك






تعال أضمك وحط راسك على صدري=
ماجات ناسٍ على الدنيا يبكونك






فديت روحك وعمرك واااه لو تدري =
انك في عيني طفل مابي يضرونك





امسح دموعك مدام أن اللقاء بدري =
واضحك حبيبي ترى واجد يحبونك





ودي أشوفك هذاك اللى على خبري =
تضحك وطير الفرح يغرد بكونك





الحزن قبلك ترى في دمي وحبري =
وفالناس غير الحبايب لايهمونك





الليل توه وأخاف من الوله يسري =
وانا من اول ابي فرقاه من دونك





خلك مابين الشعور الطاغي وشعري =
وانسى جروحك ودمع العين وطعونك



أبيك تسكن بروحي وقلبي وفكري =
اباخذك عن جروح الناس وصونك




الناس لوعاشت بطيبتك ياعمري =
ماكان واحد تجرىء يبكي عيونك[/poem][/frame]__________________


[frame="13 80"][poem font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
بالورد احتريك


من عظيم الشوق شفتك بالغمـام=
شفت وجهك مبتسم فوقـه يديـك
مستحي مني ونفسك في الغـرام=
والمشاعر جتك من شوقي تبيـك
قلت لك وقّف ترى بعدك حـرام=
ليش انا وياك و ارحل منك فيـك
لو جمعت الحب بقلـوب الانـام=
مايساوي ربـع حـبٍ محتويـك
من غلاك استعجل خيوط الظلام=
اسبق الخطوه على الموعد واجيك
اندفع لك شوق ويدفعنـي الهيـام=
طول دربي احترق لهفـه عليـك
من اجل وصلك تحديـت المنـام=
خفت لا اغفى عنك وماعاد التقيك
جيت قبل الوقت ارتب في الكلام=
شوف قبلك جيت بالورد احتريك [/poem][/frame]
الشاعر عبد الناصر العالي