صدق ان السعوديين على نياتهم والله يعطينا على قد نياتنا
متعب المقبل وجد نفسه بين يوم وليله ملياردير بفلوس الناس ولا فيه احد يحاسبه
شركه مافيها غير اثنين سودانيه و3 شباب سعوديين يجمعون الفلوس له من المساهمين
وفى اقل من ثلاث اشهر جمع اكثر من سبعمائة مليون فى 4 مساهمات وبدل ماكان اسمه
متعب صار الشيخ متعب شيخ دراهم فى الليل فى الاستراحه لين الفجر والصباح نايم وكل
ما تتصل وين ابو عبدالعزيز قالو فى الشرقيه واليوم الثانى الشيخ فى جده والاسبوع اللى بعده
فى دبى وين المشاريع وين الفلوس الله اعلم من يشتغل معه ماندرى وين المساهمات الله اعلم
وينه مايداوم فى الشركه الله اعلم سبعمائة مليون وين وداها هل صحيح انها قيمة الاراضى
اللى ساهمنا فيها ماندرى هل الاراضى كلام فاضى وعلى ورق الله اعلم
وفى الاخير ضاعت الفلوس والشيخ اصبح سجين والشركه ماعاد فيها غير سودانى واحد
وراحوفيها المساهمين واللى ودى اذكركم فيه اخوانى المساهمين الضايعه اموالكم مع متعب وشريكه
اللى ماشفناه ((اقول ارفع راسك انتى سعودى )) بكره يطلع واحد جديد ويفتح مساهمه ويجمع اموالنا ونسميه الشيخ
ويكثرون المطبلين وتسمع من الكلام الزين واحد يقولك ثقه والثانى رجل خير والثالث يقول عقارى ناجح والثالث يقولك
الرجال راعى امانه ومشهود له وخذ من التزكيات وارفع راسك انت سعودى000
|