ياجادلاً كل ماتطري علـى بالـي=تقادحت في ركـون القلـب دقاتـه
اخذ واهوجس وكأني فالخلا الخالي=والقلب بين البشر غارق بسجاتـه
ياهيه ياللي تسولف كأنـي الحالـي=عندي تعادل كثر هرجك مع اسكاته
اداعب الهجس بين اقفاي واقبالـي=انته تسولف وبالـي داه فـي ذاتـه
لاتحسبني سواتـك داهـلاً سالـي=مغزاك عرض البشر قصده ومنحاته
بالله سكر على بوحـك بالاقفالـي=ماني بمن يتبع الحاقـد ومشهاتـه
انته بليـلاك وانـا اعيـد موالـي=ليلاي منها شكـى قلبـي معاناتـه
عنقاً لها فالضلوع العوج مدهالـي=خيالهـا بيـن روحاتـه وجياتـه
تلبس عباة البها فـي دق وجلالـي=جمالها يلحـق العاشـق خطياتـه
شبيه ريماً اذعره الصوت بجفالـي=تاخذ من الريم نظراتـه وصداتـه
وعيناً هدبها على الاوجان بضلالي=خد النعومه شكى ضلـه ولمساتـه
جسمه مفصل بتفصيلاً على بالـي=يعجز كلام الوصوف بكل حالاتـه
|