[المهاجر]

يأخي اتركونا من التطبيل
كل اللي صجونا في المنتدى مسوقين وكل واحد حريص على نسبته

دائماً تذكرون ان لكم مساهمات سابقه والناس ما تعرفها واذا قلت وين
قلتو شمال الرياض
طيب وين في الشمال قلتو
حول كبري العماريه و و مسوق ثاني يقول جنب مستشفى المملكه وثالث يقول في الياسمين
وتقولهم حددو يقولك مره ثانيه شمال الرياض
طيب حدد في أي موقع في أي مربع
مدربين بس على قولة شمال الرياض وبس

خافو الله
واتركوو عنكم التطبيل على شي انتو مو واثقين منه ولا تعرفون تفاصيله
ولا توهقون الناس واذا جاء بعدين كل المسوقين حطو رجليهم بعد إستلام نسبهم

مره ثانيه أسال .. انا ما أعرف إلا الرياض
حددو مواقع مساهمات السابقه اللي ذكرتوها
___________
المساهمة الثانية : شمال الرياض
في شمال الرياض
وكانت مدة المساهمة سنة
.___________
المساهمة الثالثة : جنوب الرياض
في جنوب الرياض
ومدتها سنة
___________

حدد الموقع بالضبط
واذا انتو عندكم مصداقيه أثبتو وجود هذي المساهمات بالورق
للعلم لا تكررون أسطوانتكم المدربين عليها
(( شمال الرياض ))
وخلاص
شمال الرياض لحاله أكبر من الدمام
حدد الموقع وأثبت
وجنوب الرياض لحاله كبر القصيم كلها وسكانها يمكن يوصلون المليون
حدد الموقع بالضبط مو بالتطبيل