[أشوفه]

كذوب اللي يقول اقوى فراق الصاحب الغالي

هذي مختارة من روآآئع ..

الشاعر:أحمد الناصر الشايع

الاياونتاه اللي من الفرقا برت حالي

كما بري الدبى الغصن الوريق اللي على حله

على اللي من ثلاث سنين هوهمي وغربالي

ولكن ماحصل لي منه ساعه تبري العله

الى مني بغيته في محله ماتهيا لي

ولا منه بغى ياصل محلي صار به ذله

انا وياه مثل اللي ورد مطويه الجالي

طوى حاله ظماه ويوصف الماء له ولا دله

الى منه نطحني قال ياستار الاحوالي

عجب لله كيف الخل مايشفق على خله

وانا اركض طول ليلي مع نهاري في الخلا الخالي

صايد رغبته واتبع طريقه واتبين له

الين اصبحت انا المطلوب بالاول وبالتالي

انا المطلوب والطلاب راعي القذله الهله

الى مني بغيت انساه وادله عن هوا بالي

بلاي النفس ماهي من صخيف الروح منحله

كذوب اللي يقول اقوى فراق الصاحب الغالي

متى ماغاب عنك من توده بانت الخله

الى مني قطعت حبال وصله قام يبرا لي

حظني بالعيون اللي بها سيف الهوى سله

يطيح اللي بكفي واذهل الدنيا وهو سالي

واعود في عماي الاول اللي مايسكن له

متى ماغاب عني ماتبي حالي ولا فالي

والا شفته بعيني كن حكم الروس لي كله

ولاني قاعد ارجي متى يرمي به الفالي

وانا ماودي العدوان تدري به وتفطن له