[أشوفه]

تكفون مروبي على حايل

تكفون تكفون مروبي على حايل
لوكان مالي لزوم ودي اجيها
دار الوفاء والكرم واعقالها المايل
ياالله عسى رايح الودّان يسقيها
دار بها شمر ٍ ذباحة الحايل
اللآبة اللي فعول الطيب تثنيها
وأشوف سلمى وأشوف العرق متهايل
وأشوف برزان وأجى في ضواحيها
واسير فيها واعرف الأرض واخايل
واليا لقيت الطويله بعتلي فيها
ونأخذ بها أيام دام ٍ قاعها سايل
واسج رجلي مادام الله معافيها
مع نشاما اعزاز تلطم العايل
ياحظ منهو على الطرقة ياخاويها
اعتيبي وشمري ومعهم ولد وايل
من سار معهم هموم الوقت ناسيها
العمر تاليه مدري كيف هو قايل
وايامنا ماعرفنا ويش تواليها
نعيش فيها وحال اعمارنا زايل
ولي حياةٍ وعاد الموت تاليها

ابياات الشاعر /سعيد الهمداني

المصدر: منتديات دانة بحر