عرض مشاركة واحدة
قديم 21-12-2012, 12:08 AM   #1
أليا صهل
متداول نشيط
 
تاريخ التسجيل: Nov 2012
المشاركات: 10,221

 

افتراضي صلى الله على المصطفى





يارب صبرني على امـرك وبلـواك = واجبر عزا من شاف ضيم العزايـر
مثل الدريك اللي على حوض الادراك = يبكي ودمعه فـوق الاوجـان جايـر
ياعيـن هلـي ذارف الدمـع سفـاك = وابكي وهاتي ما خفـا مـن عبايـر
ياعـيـن لاتبكـيـن هـــذاولاذاك = الا ولا فرقـا الاهــل والعشـايـر
ابكي على سمح النبا حسن الاسـلاك = اللـي عليـه مغـوزر الدمـع فايـر
قلبي عليه مـن الولـع فيـه دكـاك = والحـال منـي خلصـت بالحسايـر
كني ربيط الروم فـي وسـط شيـاك = والا كسيـر موجعـتـه الجبـايـر
قدم العرب غادي بشـوش وضحـاك = والكبـد يصلاهـا لهيـب السعايـر
يالله ياوالـي تصاريـف الافــلاك = يـا مطفـي نـار السنيـن العسايـر
يامـن لعسـرات الشرابيـك فكـاك = رب السماء والـي جميـع البصايـر
سبة عزاي وصـار للـروح مـلاك = وارخصت له عمـري ومابالذخايـر
يازين روحي يااريش العيـن تفـداك = حيثك هواي وعن هوى الغيـر ذايـر
علـي نـذر ان ولـف الله لامــاك = لاارز رايـات الفـرح والبشـايـر
واصــوم لله ماتيـسـر لعيـنـاك = وابنـي لحبـك بالضمايـر منـايـر
يازين ياعذب اللمـا كيـف ابنسـاك = والحب سلطانه علـى الحـال جايـر
يامـورد الخديـن محـلا سجايـاك = ياسيـد لكـل المترفـات النضـايـر
يازين شفني مـن غرامـك وفرقـاك = كني على جـال مـن الجـم هايـر
اسهر وانوح بنوح ورق على الـراك = مـع ذا تصفقنـي اركـون العوايـر
ياابومحمـد يافتـى الجـود بنخـاك = يافرحـت المضيـوم يـوم الكسايـر
شف لي طبيـب شاطـر لاعدمنـاك = كـوده يـداوي عـلـة بالضمـايـر
والا فنـا يامعـدن الجـود وايــاك = نركب على ثنتيـن عـوص حرايـر
يومين والثالث علـى الهـون ملفـاك = هجر منازل من لـه القلـب طايـر
فالـى لفينـا ديـرة الـربـع ذولاك = فالوصل يطفي مالجـا مـن زفايـر
امسي وكنـي مالـك كـل الامـلاك = املاك سلطـان الهجـر والجزايـر
فالـى لفينـا دافــع الله منـايـاك = مرخوص يامروي السيوف الشطايـر
عند السياسب لابـة مثـل شـرواك = الكـل منهـم يحتـمـل للخسـايـر
ياابـو محمـد عانـك الله وعـافـاك = واذراك ربي مـن حتـوف الدوايـر
شفني من الفرقا ولا الحال يخفاك = مثل المريض انهض ولا نيب ثاير
من فقد طفل للمعاليق مساك = الجادل اللي ما يدوس الوزاير
كامل تواصيفه ولا هوب حشاك = الا ولا يوم لقيته مكاير
ومهذب ذرب ولا هوب دكاك = بالشين حاشا ما سمع شور شاير
من صلب شغموم ضحى الكون سفاك = لا دما العدا يوم اشتعال الذخاير
سمح سلوكي ولا هوب شكاك = ومغفل ما هوب راعي عباير
ربي كساه من المحاسن والابراك = ثوب الجمال واكمله بالستاير
الخد كالقنديل واللحظ فتاك = يفري الضماير والذوايب حراير
متعثكلات يسهجن روس الاوراك = مثل الدحى فوق الردايف نثاير
علمي بشوفه يوم الاثنين هذاك = قبل المديد بعشرة أيام زاير
سلم علي وقال بالك وحذراك = تفضي السودود ولو تشوف النكاير
واعرف ترى مالي عزا من ملاماك = الله يبور بملزمة كل باير
لياك تطربني ولا جيب طرياك = عند العرب والله عليم السراير
وارجى عسى رب بلانا بهذاك = اللي وداده في حشا الروح صاير
يجمع بشملي باريش العين وهناك = هالعمر خيره ولو بقا للدواير
والختم صلى الله على المصطفى ذاك = محمد المبعوث ما سار ساير
أليا صهل غير متواجد حالياً   رد مع اقتباس