ماهي غريبه يمكن سهيل معـزوم
هنوا سهيـل بجيتـه بالسلامـه
الشيخ تاريخـه مـدرات ونجـوم
ياما نصب فوق الثريـا خيامـه
جانا يطيح بجوخة الكبر والـزوم
يبي مقـام ميـر ماهـو مقامـه
والا خذتك القوم يا شاعر القـوم
القاف زرقاء والقصيـده غمامـه
ماني بغاوي هرج مبغض ومسموم
لـون هرجـه تعتليـه ابتسامـه
بعض البشر طبعه مقدر ومحشـوم
وبعض البشر عيب عليك احترامه
اللي ستر عيبه عن الناس بهـدوم
وش يستره لاصار عيبـه كلامـه
فكر بها بيـن معطـى ومحـروم
وناظر وكذب شوف زرقاء اليمامه
هلال المطيري