[mnadi]

المشاركة الأصلية كتبت بواسطة الحلا كله

[frame="11 80"][poem font="Simplified Arabic,5,,normal,normal" bkcolor="transparent" bkimage="" border="none,4," type=0 line=1 align=center use=ex num="0,black"]
ضايقه بالحيل محتاجه اشتكـي=
لولا طبع فيّ .. يمديني شكيت
بس أدور عذر منشان البكـي=
لو يدوسون بطرف ثوبي بكيت
كل ماجيـت اتريـح وارتكـي=
يزدحم في خاطري الفين بيـت
ويش بيدي افعله غير الحكـي؟=
قاصره خطوات رجلي لو مشيت
أسرعي يانفس موتي واهلكـي=
صرتي همي يوم بالدنيا شكيت [/poem][/frame]

عابرة سبيل

رحم الله عابرة سبيل واسنكنها فسيح جناته

هذيه قصيدة الوصيه من روائع قصائدها عندما اقام لها زوجها وليمه وهي على فراش الموت

ترى الذبايح و أهلها ما تسليني
أنا أدري إن المرض لا يمكن علاجــه
أدري تبي راحتي لايا بعد عيني
حرام ما قصرت يديك في حاجـــــه
أخذ وصاتي وأمانه لا تبكيني
لو كان لك خاطرٍ ما ودي إزعاجــــــه
أبيك في يديك تشهدني وتسقيني
أمانتك لا يجي جسمي بثلاجـــــه
لف الكفن في يديك وضف رجليني
ما غيرك أحدٍ كشف حسناه واحراجه
أبيك بالخير تذكرني وتطريني
يجيرني خالقي من نــــار وهاجــــه
سامح على اللي جرى ما بينك وبيني
أيام نمشي عدل وأيام منعاجــه
همي عيالي وأنا اللي فيْ كافيني
علمهم الدين تفسيره ومنهاجـــــه

الى أن وافتها المنيه رحمه الله وهي ام رائعه ومعلمه

اختي الحلا كله مشكوره واذا دل دل على سمو الذائقه عندك
اكرر شكري والى الامام