قصيدة ذات صور جمالية رائعة جداً في وصف القهوووة وطريقة اعدادها عمر القصيدة اكثر من 80 سنة .. للشاعر العملاق لحدان بن صباح الكبيسي رحمة الله
[poem font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يللـي تصوغ البن لاتحـرق الكيف=احمـس عل جمـر قليـل لهيبـه
لى صار أشقر يعجب العين لى شيف=نضـح العرق منه ايتباشش صبيبه
كبـه بنجرلى صـرخ له تغطـريف=يشبـه لذيب فال و ارضف قنيبه
لى برد في نجره فكثـر لـه الليـف=حيثـه إلى نعـم تزايـد بطيبـة
وحطـه بصفـرا زينـة بالتنظيف=واحـرص على الما لايغشك سريبه
ماهـا غديـر من عذي الطفاطيف=ابعـد اغثـاه السيل حامي جذيبه
لـى فاح به بنت اطيابـه بتصليف=مثـل القطيفي في الرياض العشيبه
صفـه وزلـه في دلال على الكيف=رسـلان مع صنعة قريش العجيبة
واجعـل اقناده حب هيل بتسريف=مـن مطبـق في كـل يوم ملي به
إلـى سكر كفـه عن الجمر تكفيف=واغســل فناجيـل انظاف لبيبة
لى صب جا له مع مجاريـه توكيف= ما هـو على الفنجال عجل صبيبه[/poem]
|