فارقت من لاكان ودّي أفارقـه
000000عقب الصلاة وتوّها الشمس شارقه
الفجر يوم الناس تسعى لرزقها
000000أنـا عيـوني بـازرق الدمـع غـارقه
بكى وأنا أبكي يوم وقّفت أودعـه
0000000والكـل منّا يذرف دمــوع حـارقه
سـلّمت ويديـني بياديـه ترتجف
000000ويديه بيديني من الخـوف عارقـــه
وأقفا وأنا قفيت والصمت حيلـتي
0000000عز الكـلام ودمعـة الياس فارقــه
وحسّيت كن القاع حدري تزلزلت
0000000يــوم ألتفتلي وأسـتهلّت غـوارقه
سـرقت من دنياه لـذّات دنيـتي
0000برضـاي سارقني وبرضاه سارقـــه
همّي وهـوجاسي وحـبي وغيرتي
000000للي بوسـط القلب ناصـبٍ بيارقـه
وعـوّدت للمطلاع حزينٍ ملتجي
000000والقلب مـّني طـارق الهم طارقــه
ضلعٍ ورا المطـلاع شـوفه يريحني
0000000عســا الحيـا يسقيه لالاح بـارقه
كتبت في عاليه حـرفي وحـرفها
0000ورسمت قلب الحب والسهـم خـارقه
ذكرى غـرام مات من قبل ينولد
000000بفـراق من لا كـان ودي أفارقــه
مريت انا المطلاع والشوق هزني
000000قبل الظلام وتوها الشمس غايبه
وفيضت في عالي روابيه عبرتي
00000وكثرت على القلب المعنا مصايبه
قالوا ملكها الغير مالك ومالها
0000000برق مصد ولاتحوشك سحايبه
يكفيك دور فات بينك وبينها
000000جنب وخل الحب واترك طلايبه
جروحك مع الايام تشفا وتنتهي
00000000وحب بليا ساس تكثر نشايبه
قلت اتركوني هرجكم مايسرني
00000000والميت ماتحييه دمعة قرايبه
والنار ماتحرق سوى اللي يدوسها
000جرحي وانا ابخص في دواه وطبايبه
ان كان روحي عقب الافراق شيبت
000000سود الليالي عقب الاقمار شايبه
ولوكان يدرون الجماعة بقصتي
000000محدن عذل روحً من الوجد ذايبه
العشق كان لغيرها لين شفتها
00000ومن شفتها نفسي من البيض طايبه
بالغصب فرت موجة القلب يمها
000000بالغصب قلبي طاع وانكر حبايبه
قعدت اماري وافتخر في جمالها
000000واقول هذا الزين شوفوا عجايبه
انا اندفت وعشت في جو عاطفي
000000000انا بنيت احلام وآمال خايبه
انا مع الايام تكبر مصايبي
000000000هذيك اعدلها وهذيك عايبه
ولو كان حرماني على الناس ينشكي
0000000شكيت مير الناس ماهيب ثايبه
اشكي على اللي قادر انه يحلها
00000000يلهمني السلوان في كل نايبه
واصبر واخبي في حشا الصدر علتي
000000واظن تالي الصبر تحمد عقايبه
واحبها في صمت واخفي مشاعري
00000000وابكي ليا دار الشمال بهبايبه
ولابد ماعقب التفاريق نلتقي
0000000انا وانت ياحب دفعنا ضرايبه
وناقف على المطلاع في نفس ماقفي
000000قبل الظلام وتوها الشمس غايبه
منقول
|