عرض مشاركة واحدة
قديم 27-12-2006, 05:46 PM   #137
رالي بعارين
متداول جديد
 
تاريخ التسجيل: Oct 2006
المشاركات: 80

 
افتراضي

يامــل عيــن في محــــاجـيرها شـــوك

والقلــب به عـن لـــذة النـــوم دكـــاك

لا دك فـي قلبـي من الهـــم داكــــوك

جــاوبت طـــرب الحمــايم على الـــراك

عـزي لحـالي ياعـــزيز وانــا ابـــوك

كــان الزمـــان اللي وطــاني توطـــاك

أفهـم وصـــاتي ياعـزيز وانــا ابــوك

دامك صغيــر وغـايت العلــم يـرقــاك

تـــراه ما ينفعــك خـالك ولا ابـــوك

لاصــار ما تقضــي لزومـــك بيمنـــاك

وربعك اليـا بـان الخــلل فيك عافــوك

أقـرب قـريب لـك مـن النــاس يشـــناك

ان كثـر مالك صــدقوا لك واطــاعـــوك

وان قل ما بيــديك شـــانت حــلايــاك

لو تطلب الماء عندهم كــان مااســـقوك

ابعـد مـــزارك عـن وطنــهم ومــربـاك

هــراجـــة المجــلس اليــا جيــت وروك

منـــازل تطـــرب نظيـــرك بدنيـــاك

واليا قضــوا منـك اللــوازم وخلـــوك

تفــرقـوا وانت احتمــل كـــل ماجـــاك

كنــك ســـراج البيــت للنــور شـــبوك

واليا قضــى الــلأزم حــدا الربع طفــاك

والا كمــا ليمــونــة الحمـــض مصــــوك

واليــا قضــى منه الطعــم مـزغـــوا ذاك

واللي يجــي من رفقتــه ريـــب وشــــوك

احـــذر منــه ايــاك تصحـبه بمســــراك

واليا جفــوك اهـل الوطــن واســــتخفوك

قلّع غريســك منــه واهـــدم ركـــايـاك

تــراك لـو ترجـع على الرجـــل صعـــلوك

اخيـــر من اللي تــلتجي به ويــاطـــاك

عطهــم حقــوقهـم ليــا منهــم جــــوك

واغلــق ضميــرك لا تعلـــم بطـــريـــاك

ان طبــت مـا حبــوك وان عبـــت زلــوك

تقضـي حيــاتـك ناقــلـن داك بـــرداك

واليـا نفـوك من الوظيفــه وعـاقـــوك

خفـــت مــوازينــك وكــلٍ تهقــــواك

اصحـى لخــلان الرخـــاء لو تغـــالــوك

اعـرف تـرى اطيبــهم الااحتجــت يجفـــاك

كنــك خــــوي مقيــط دهــووك واغـــووك

وحقــك عطــاك رشـــاك واقفــى وخـــلاك



مثـل العمـل يــدرك مــا منــه فكـــاك

وان كـان عـــدوانـك على الحــق حــدوك

اخصـــم طلبتــهم بعجفــــاك وقــــداك

وان كـان هـم لمشــرف الحــق ماشـــوك

نـاظـر مطـاليـع الفــرج قبل مبـــداك

وان كـان عـــدوانـك على الحــق حــدوك

اخصـــم طلبتــهم بعجفــــاك وقــــداك

وان طــاوعوا شـيطان الأنفـس واهــانوك

فاصبـر على البلـوى وادفــن رزايــاك

وزرهـــم تــراك ان تــوانيــت زاروك

ان مـا بديت بصـــاحب الســـوء بــاداك

ما دامهم ما طــاوعــوا لك وعــرفــوك

اضـرب على الكـايد اذا عمســت اريــاك

لـو اذهبــوك مــن المصـــايب وضـــدوك

ما يذبحــونك قبــل تــدني منــايــاك

واحلم على الجــاهل ترى الحلم مبــروك

وقم للضعيـف اللـي مـن الضيــم ينخــاك

وادمـح خطــاء جيــران بيتــك لو اوذوك

تـرى القصيــر وحرمــة الجـــار بحمــاك

وعطهــم رواتــب حقهــم لــو تناســوك

في كـل مــا يصلـح بدينــك ودنيــاك

واعـرف تـرى مالك من الضيـف مشـــروك

لـولاه يطلـب حــاجتـه منــك مـا جــاك

وقـم للرجــال ان عنــوا لك وضـــافـوك

اغلــى كــرامتهم حـجــاجــك وبشـــراك

وقـم للرجــال ان ريعـوا لك وحبـــوك

واحشــم خويــك واكــرمــه عنــد ملفـاك

ولا تبــات بهـــم دنيــــاك مضنـــوك

ما طـاب لـك ما دام لـك وافتـهم ذاك

لو يريدونك اخفايك الناس ما اخفـوك

الرجـل مثل النجــم في كــل الأفــلاك

وصــلاة ربــي عــد الأفــلاك والشـــوك

ما نــاض بــراق ومــا هــل ســـفاك

على اللـذي ما فيه ريــب ولا شــكوك

محمد عــدد ما دك بالقلــب دكــاك



ســـليمان بن ناصر بن شــريم
رالي بعارين غير متواجد حالياً   رد مع اقتباس