[الهايات]

اشكر جميع الاخوة على ردودهم واعذروني على التاخير ولكنكم في بالي واردت الرد عليكم
ولكن بعد ما جبت لكم الخبر اليقين من محامي سعودي من معارفنا مرموق يعمل دكتور قانون في احدى الجامعات لدينا ولديه مكتب محاماة ويعمل تحت امرته مجموعة من خريخي القانون وهو على راسهم وقابلته شخصيا ودار بيني وبينه حديث طويل ألخصه فيما ياتي :
اذا كانت لك شكوى ضد اي شخص وحتى ان كان معك ما يدينه من سند يثبت صحة الدين الذي عليه فان القاضي يحكم عليه باسترداد الدين كاملا اذا اقر بما في السند ، والمصيبة يا اخوان انه اذا قال المدين لا استطيع على السداد كامل المبلغ فان الشيخ مباشرة ينتقل الى السؤال التالي (حتى وان كنت انا صاحب المال ارفضه) وهو : هل تستطيع سداده اقساط واذا قال نعم حينها يحكم القاضي بالسداد اقساط والمشكلة ان لا يتعدى القسط الشهري على المدين ثلث الراتب بل يقول لي المحامي يستطيع المدين ان يقول للشيخ لا استطيع ان اقسط اكثر من 500 ريال لانه عندي اولاد وزوجة اصرف عليهم وهاتف وماء وكهرب اسددها، وحينها الشيخ يقبل ما ادلى به ذلك النصاب المدين ويحكم بالاقساط حتى ولو استمر القسط سنين عمري كلها ..
وفي النهاية قال لي المحامي نصيحة لوجه الله حاول بكل ما اوتيت من قوة ان تحل المسألة بينك وبينه وخوفه بالمحكمة في كل مرة واذا قسط لك المبلغ وانتهيت في سنة ونص او سنتين افضل لك من المحكمة والسبب لان المحكمة تنظر دائما للقضايا مثل هذه بعين الرحمة والشفقة ومحاولة الاصلاح قدر المستطاع بدون ايذاء اي الاطراف او سجن احدهم وعلى الدائن تحمل المدين القذر والصبر على الاقساط .
آآآآآآآآآآآآخ يا اخوان من قهر الرجال!!!!!! ، المشكلة ان هذا الرجل المدين الحقير الشايب الله يشب وجهه لو جلس ساعة واحدة بالسجن جاءوا اولاده يركضون للسداد عنه وخاصة انهم كلهم حالهم ميسور ولديهم بيوت ملك واذا كلمتهم استحقروني ويقولون لي ابونا ما يقدر يسددك واذا تبغى 500 ريال شهريا تقريبا ما عندنا مانع ، شوفوا كيف الاستحقار فين وصل فيهم ..
انا ودي افهم هذا القاضي لون ان عليه دين ومحتاج مثلي هل كان يرضى بالقسط ام بالكاش

وصراحة بعد كلام المحامي وجلستي التي استمرت الساعة ونصف تقريبا عرفت ليش اصحاب المساهمات العقارية اكلوا فلوس العالم ، وليش اكلوا هوامير سوى فلوسنا وليش اكلوا ...... ما دام القاضي بهذا البرود تجاه من عليه دين وينظر اليهم بعين الشفقة والرحمة
معليش انا طولتها وهي قصيرة لكن لو تحسون اللي احسه في قلبي والله اني ودي اذبحة هو واولاده
لي رجعة باذن الله مع اي مستجدات بالموضوع عشان نعرف وش نهايتها