تعبت افكر في حياتي مع الناس
وتعبت اعيش بــ عقل غيري حياتي
جلاس بــ عيوني وبالبال ... جلاس
اشوفهم .. متجمعين بــ شـتـاتـي
اغيب عنهم ياس ..وارجع لهم ..ياس
منهم ..ومن نفسي..ومن أمنياتي
أنفاس يارب اختنق عبدك انفاس
لو ( آاهـ ) امرّرها حديث بــ سـكاتي
تعبت اوسوس حب والكره وسواس
في بال ..من في بالهم ذكرياتي
تعبت اردد كل ما طحت..لا باس
من عينهم لـ ابعد "سما" في صلاتي
تعبت "اطيع الليل"وآنا"ولد ناس"
واحرم عيوني .. حلم لذة مباتي
تعبت اغنّي الصمت والجرح والكاس
تعبت .. اعيش احساسهم بــ اغـنيـاتي
احساس كلمة قاسية ما بها احساس
ما تزهر بـ صدري ولا في شفاتي..
كتبتها .. ماهو عشاني بها حاس...؟!
إلا .. عشان اكسر عليها عصاتي
سهلة...أكون (انسان أكثر) من الناس
صعبة...أعيش بــ (عقل غيري) حياتي
عبدالله الكايد