[أليا صهل]

البارحـه هاجـت علـي التفاكيـر
" ليلي قضيته بين هوجاس وافكـار

ولا لقيت لما وطا النفـس تفسيـر
" وأصبحت كني راعي النار والغار

حزنٍ بقلبي كسّـر القلـب تكسيـر
" لولا ضلوعي تردع القلب جد طـار

على الذي له داخل القلـب تقديـر
" الصاحب اللي بيني وبينه أسـرار
دار الزمان وصار بالعهـد تغييـر
" مدري غدر بي مدري الوقت غدار

قبل الموادع قـال تذكرنـي بخيـر
" إبعد وانا ابعد وافرض الحب ما صار

حنـا نوينـا وعاكستنـا المقاديـر
" وهلّت دموعه يوم فكـر بالأقـدار

قال النهايه جعل دربـك مسافيـر
" حاول تناسا اللي مضا صير صبّار

قلت الله اقوى ما طلبتيـه بيصيـر
" غصب عليّه قلت ماكنـت مختـار

ياللي جرحت القلب ليـه المعاذيـر
" جرحتني لا تترك الجـرح تذكـار

وشلون ابصبر كان شفتك مع الغير
" وانا الذي عليك من نفسي اغـار