مع التحية
وقف ترا لي والهوا وأنت ميعاد
يامن جمع بشفاه جمره وماها
طق اللثام ولاتبين لحساد
لالاتخلي كل عين تراها
في شفتك جمر حمر فيه وقاد
أغليت أنا لون الجمر من غلاها
أخاف من واهج شفاياك يزداد
يحرق ورود الخد واهج سناها
ورد على غصن من البان مياد
ورد نمى في ظل رمش كساها
رمش على جال النواعيس صياد
ذبح القلوب اللي تعرض حماها
عقلي وقلبي منك في حرب واجهاد
واشوف دق القلب ميل خطاها
دايم السيف
|