[نجدية]

المشاركة الأصلية كتبت بواسطة يا زين عرعر

اختي نجديه عجبتني القصيده بقوه ماقصرتي

اهذي اهداء لكي خيه

أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام

يسلموووو أخوي ع الاهداء مائصرتش خالص





تسولف لي عن الضيقه وانا كلي ألم وأحزان

وأنا من وين ماناظر بعيني شفت ضيقاتي



تسولف لي عن الضيقه وأنا عنوان للحرمان

دخيلك لا دخيل الجرح لا تكشف معاناتي



دخيلك لا تشجعني أسولف وأكسر الكتمان

تعبت من السكوت اللي تعود يسكن بذاتي



عليم الله مافيني شبر يضحك فرح وأشجان

وأنا لو جيت ابضحك لك أجيك أضحك بدمعاتي



حياتي شعرن وشاعره وجمهوري بقايا انسان

ونقادي زمن قاسي ولا يفهم كتاباتي



أناظر للبشر حولي أحد يضحك أحد طربان

وأنا صعبن علي أضحك أسايرهم بضحكاتي



عجزت أكذب على نفسي بفرحه ما بها ألوان

وحزني ما عجز عني بدا يرسم نهاياتي



طريقي صعب وجروحي كثير وداخلي ضميان

أبي لو يوم واحد أحاول أجمع شتاتي



أنا قصه تبعثرت وتطايرت بزمن خوان

تعلمت أخسر البسمه وأداري عضة شفاتي



أبكتب لك وبالخط العريض وريشه الفنان

أنا الخسرانه توقيعي وانا الخسرانه بصماتي



أكمل لك عن الضيقه اكمل لك عن الأحزان

تأكد لو بكمل لك تصيح وتطلب سكاتي