عرض مشاركة واحدة
قديم 07-08-2017, 06:05 AM   #1
أليا صهل
متداول نشيط
 
تاريخ التسجيل: Nov 2012
المشاركات: 10,221

 

افتراضي واللي خلقني لو تمادى بالأسرآف :: ما أحب غيرك ولا قاله الله

ليت الغلا في دآخل الصدر ينشاف
000000000وأفضح غلاك المستتر بالأدلّه


أفرد لك ضلوعي لو ضلوعي نحاف
0000000واطلعك عن قدرك وتعرف محلّه


وأذا آدركت نفسك مفاهيم الأجحاف
قلت السلام ودرب روحي تدلّه


ياللين القاسي ويالناعم الجاف
سيف التجافي وش يحدّك تسلّه


البعد عنق وجارف الشوق سيّاف
يآقف على عنق الغياب ويذلّه

يا آسري من كثر محتجت الأنصاف
عليك شهّدت النجوم المطلّه

شهّدتها بأسم الغلا كل ماعآف
ناس ن غيابك ودّها تستغلّه

ماتدري ان الحب عاداته أعرآف
لو تجرح الاعراف فالحب خلّه

أما أختلال ن في معايير الاهدآف
والا انحلال ن في طبوعه ودلّه

وانا على ماكنت عفوي وشفّاف
صمتي كلام ونيّتي مسفهلّه

مانيب من ربع التحزّب والأحلاف
ولاأبتّ لأيمان الغليظه جبلّه


قلبي بخير ولاعلى قلبي خلاف
طاريك يسوى عنده الكون كلّه

ماهوبمتهيّب ولاهو بخوّاف
من كلمة ن في خاطري مستقلّه

دونتها بالعمد في قفلة القاف
كلمة غلا من فكر خلّ ن لخلّه

واللي خلقني لو تمادى بالأسرآف
0000000000ما أحب غيرك ولا قاله الله
أليا صهل غير متواجد حالياً   رد مع اقتباس