عرض مشاركة واحدة
قديم 07-10-2016, 06:21 AM   #1
أليا صهل
متداول نشيط
 
تاريخ التسجيل: Nov 2012
المشاركات: 10,221

 

افتراضي يانــجد لك قيــمه وهيبه وتشريف :: طيبك وطيب اهلك بكل الصحايف

يا نجد والله مـــا لودك تواصيــف
لاشك مــن جــوك لــحــقــنا كلايف

من غير حر الشمس عج وعواصيف
عــيف بــك اللي مــنك ماهو بعايف

مارالسموحة يوم ماجا على الكيف
واليا سمــحتي ما لنا به حسايف

نبي نـقضي ما تبقى مـن الصيف
حولك ما بين اجـمل مـدن بالمصايف

مناطــقٍ غـيم ومـطـر وارضها ريـف
جــمالهــا يبهج نــظــر كــل شايــف

تـــعــلــها غــــر المــزون المــراديــف
طبيعةٍ فــيهــا تــحــيرالــوصايـــف

مــا تنتشبه )لا بـلنــدن (ولا جــنيف
اللي على جــوه يــحطــون لايــف

كـــن الــورود بــعالــيات المشاريف
زوليــةً بافــخم قــصـٍـور المضايف

قـصرٍ عـليه الــناس ورد ومناكيف
مـن كــل حيٍ من جميع الطوايف

مـوسعـة مــداخـلــه والمــواقـيـف
امـــا لابن سلمان والا ابـن نايـف

شموخ الأصيلة

::::::::::::::::::::::::::::::

ياحيف ياللي ماتبي نجدياحيف
ازعلت نـاس وضــعهم فيه كايف

يانجدماترخص غلاك السواليف
لوكان مــالي فيـك يانـجــد الايف

عندي هواك الذ من شاطي السيف
والا هوا البـاحه وعـشرين طــايف

يانــجد لك قيــمه وهيبه وتشريف
طيبك وطيب اهلك بكل الصحايف

اما المصايف في ليالي المخاريف
تزين لاجـاها مــن الناس ضايف

جـمــالـها وهــبة ودونه تـكالـيف
روس الجبال الطايلات النوايف

صحيح فيها يكرم الجار والضيف
ويامن بها من كان بالحيل خايف

وبــلادنا فيها تــزين المحــاريــف
امن ورخا فيها الفصول اللطايف

لاشان نجد تزين باقي المصاييف
والحمـد لله مــا عــلانا قــصايــف

تضيق باللي مايعرف المعاريف
ومــن غـرته دنياه جـعــله ذلايف

الشاعر حزام بن عايض
أليا صهل غير متواجد حالياً   رد مع اقتباس