[أليا صهل]

(محمد السديري)


«المستريح اللي من العقل خالي
0000ما هو بلجات الهواجيس غطاس»

وهو من قصيدته الشهيرة


«يقول من عدا على رأس عالي
000000000رجم طويل يدهله كل قرناس
في راس مرجوم عسير المنال
0000000تلعب به الأرياح مع كل نسناس
في مهمة قفر من الناس خالي
000000يشتاق له من حس بالقلب هوجاس
متذكر في مرقبي وش غدا لي
0000000وصفقت بالكفين ياس على ياس
أخذت اعد أيامها والليالي
000000000دنيا تقلب ما عرفنا لها قياس
كم فرقت ما بين غالي وغالي
000000لو شفت منها ربح ترجع للافلاس
يقطعك دنيا ما لها أول وتالي
00000لو أضحكت للغبن تقرع بالأجراس
المستريح اللي من العقل خالي
0000000ما هو يلجات الهواجيس غطاس
ما هوب مثلي مشكلاته جلالي
0000000ازريت اسجلهن بحبر وقرطاس
«وارسي كما ترسي رواس الجبال
000000ولا يشتكي ضلع عليه القدم داس»
حملي ثقيل وشايله باحتمالي
000000وأصبر على مر الليالي والاتعاس