[اشراقة قلم]

[poem font="Simplified Arabic,5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
قال الشاعر عبدالرحمن الرويس :
من واقع اللي صار من ذكرياتي=عرفت من يستاهل إني أخاويـه
وأيـّـة حكي من قبل يوصل شفاتي =لازم أفكـّر فيه من قبل لأحكيه
إلين صار الصمت أربع جهاتي =بالذات لامن صرت مع واحد أغليه
بالأمس كنت أهديه كل أغنياتي=واليوم بان الزيف وإنكشفت وجيـه
الناس فيهم من تمنـّى وفاتي=والناس فيهم من يبيني وأنا ابيه
المشكلة إني طيّب ومن صفاتي =إني إذا شفت الخطأ قمت أعديّـه
خلاص انا مليّـت ماعدت أحاتي=واللي يدوّر زلتـّي ويش ابي فيه
درس وفهمته زين فـأول حياتي =مشكور ياأحمد على هيك تنبيـه !
دوّنت هذا الدرس في ذكرياتي=[عادي تشوف انسان له عشرة وجيه][/poem]

[poem font="Simplified Arabic,5,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ثم قام بمجاراتها صديقه الشاعر أحمد الصانع:
هذا الكلام اللي طلع , من سكاتي=وهذي النصايح ما لها أي تشبيه
أدري القصيده قلتها من غلاتي=من قلبك الطيِّب عسى الله يخلِّيه
يا صاحبي إفهم وإسمَع وصاتي=ما كل واحد في حياتك تماشيه
لا تقول يا أحمد : وهذي جزاتي =الطِيب للي يستحق طِيب تعطيه
بعض الأوادم حلم عمره مماتي=أما صديقي لو يبي العمر يفديه
اللي يضحِّي لي لقى تضحياتي=حتى على رغبات نفسي أبدِّيه
مو عيب يطلب ..شخص غارق نجاتي=العيب لا شفته [ غَرَق ] ما أنجيِّه ..!
درسٍ حفظته من مراحل حياتي=وجبته على قولك قصايد وتنبيه
اللي عطاني ماي عينه بـ صلاتي=لا شفت عوراته عن الناس أغطِّيه[/poem]