ماهو صحيح أن كل مطرود ملحوق
ياما طردنا مالحقنا هوانا
لو كان نشري كل غالي من السوق
ماهو موصلنا ألي مبتغانا
وعند الحقيقه ناخذ الهرج برفوق
ونمشي كما قالو ونحسب خطانا
وياما نجامل ناس ماعندهم ذوق
وندري وكنا باخطاء مادرانا
وياما تغظنا على هرج نقنوق
ويردنا عن هرج مثله حيانا
ويامابذلنا وأنكرونا هل البوق
وراحت كما قال المثل في لحنا
لون راع البوق مايرتفع فوق
وأقل شئ أنه يصيبه دعانا
ونصبر ولوجانا الخطاء من هل العوق
ماودنا نفرح علينا عدانا
وهذا زمان فيه سارق ومسروق
فعلاً حقيقه في توال الزمانا
ونون بعيدالدار لو جاله أبروق
ماننظره ماهو مروي ظمانا
وين الصديق اللي للاسرار صندوق
اللي لياغبنا مايشذب قفانا
سابق لفعل الخير ماهو بمسبوق
ولاهو براعي مصلحه قلبانا
وكل عليه أحقوق وايضاً له أحقوق
ومع العرب ماناخذ الاسرانا
واللي يبيع البيض مقلي ومسلوق
بعناه قبله في الزمان وشرانا
وصلاة ربي عدّمانبت زملوق
على نبياً من هداه أهتدانا